కీర్తనలు 31

1 యెహోవా, నేను మీలో ఆశ్రయం పొందాను;

నన్ను ఎప్పటికీ సిగ్గుపడనీయకండి;

మీ నీతిని బట్టి నన్ను విడిపించండి.

2 మీరు నా వైపు చెవియొగ్గి,

నన్ను విడిపించడానికి త్వరగా రండి;

నా ఆశ్రయదుర్గమై,

బలమైన కోటవై నన్ను కాపాడండి.

3 మీరు నా కొండ, నా కోట;

మీ నామాన్ని బట్టి నన్ను నడిపించండి.

4 నా కోసం ఏర్పాటు చేయబడిన ఉచ్చులో పడకుండ నన్ను తప్పించండి,

ఎందుకంటే మీరు నా ఆశ్రయమై ఉన్నారు.

5 మీ చేతికి నా ఆత్మను అప్పగిస్తున్నాను.

యెహోవా నా నమ్మకమైన దేవా, నన్ను విడిపించండి.