Salmos 32

1 తమ పాపాలు క్షమించబడినవారు

తమ పాపాలు పరిహరించబడినవారు ధన్యులు.

2 యెహోవాచేత పాపం లేనివారిగా పరిగణించబడినవారు

ఆత్మలో మోసం లేనివారు ధన్యులు.

3 నేను మౌనంగా ఉండి,

రోజంతా మూలుగుతూ ఉన్నందుకు

నా ఎముకలు కృశించాయి.

4 రాత్రింబగళ్ళు మీ చేయి నాపై

భారంగా ఉంది;

వేసవిలో నీరు ఎండిపోయినట్లు

నాలో సారం యింకి పోయింది. సెలా

5 అప్పుడు నేను నా పాపాన్ని మీ దగ్గర ఒప్పుకున్నాను

నా దోషాన్ని నేను దాచుకోలేదు.

"యెహోవా ఎదుట

నా అతిక్రమాలను ఒప్పుకుంటాను" అని ఒప్పుకున్నాను.

అప్పుడు నా అతిక్రమాన్ని

మీరు క్షమించారు. సెలా

6 మీరు దొరికే సమయంలోనే

నమ్మకమైన వారంతా మీకు ప్రార్థించుదురు గాక;

జలప్రవాహాలు ఉప్పొంగినా

వారిని చేరవు.