1 యెహోవా కోసం ఓర్పుతో ఎదురుచూశాను;
ఆయన నా వైపు తిరిగి నా మొరను ఆలకించారు.
2 నాశనకరమైన గుంటలో నుండి నన్ను పైకి లేపారు,
బురద ఊబిలో నుండి లేపి
నా పాదాలను బండ మీద నిలిపారు.
నిలబడడానికి నాకు స్థిరమైన స్థలాన్ని ఇచ్చారు.
3 మన దేవునికి ఒక స్తుతి పాటను,
ఆయన నా నోట ఒక క్రొత్త పాట ఉంచారు.
అనేకులు ఆయన చేసింది చూసి ఆయనకు భయపడతారు.
వారు యెహోవాలో నమ్మకం ఉంచుతారు.
1 యెహోవా కోసం నేను సహనంతో వేచి ఉన్నాను. ఆయన నా మాటలు విన్నాడు. నా మొర ఆలకించాడు.
2 భీకరమైన గుంటలో నుండి, జారుడు మట్టితో నిండి ఉన్న ఊబి నుండి ఆయన నన్ను పైకి లేవనెత్తాడు. నా పాదాలను రాయిపై నిలబెట్టాడు. నా అడుగులు స్థిరం చేశాడు.
3 తనకు స్తుతులు చెల్లించే ఒక కొత్త పాటను మన దేవుడు నా నోట్లో ఉంచాడు. అనేకమంది దాన్ని చూసి ఆయన్ని కీర్తిస్తారు. యెహోవాలో నమ్మకముంచుతారు.
+581 estão orando agora.
Junte-se à corrente de oração.