కీర్తనలు 78

4 వారి వారసులకు తెలియకుండా వాటిని దాచిపెట్టము;

యెహోవా చేసిన స్త్రోత్రార్హమైన కార్యాలను,

ఆయన శక్తిని, ఆయన చేసిన అద్భుతాలను గురించి

తర్వాతి తరానికి మేము చెప్తాం.

5 ఆయన యాకోబుకు చట్టాలు విధించారు

ఇశ్రాయేలులో నిబంధనలను స్థాపించారు,

వారి పిల్లలకు దానిని బోధించుమని

మన పూర్వికులకు ఆజ్ఞాపించారు.

6 తద్వార తర్వాతి తరం వాటిని తెలుసుకుంటారు,

ఇంకా పుట్టబోయే పిల్లలు కూడా తెలుసుకుంటారు,

వారు వారి పిల్లలకు బోధిస్తారు.

7 అప్పుడు వారు దేవునిలో నమ్మకం ఉంచుతారు

ఆయన కార్యాలను మరచిపోరు

ఆయన ఆజ్ఞలను పాటిస్తారు.