కీర్తనలు 91

1 మహోన్నతుడైన దేవుని చాటున నివసించేవారు

సర్వశక్తిమంతుని*91:1 మూ.భా.లో షద్దాయ్ నీడలో స్థిరంగా ఉంటారు.

2 యెహోవా గురించి నేను చెప్పేదేమంటే, "ఆయనే నా ఆశ్రయం నా కోట,

నా దేవుడు, ఆయననే నేను నమ్ముకున్నాను."

3 వేటగాని వల నుండి,

మరణకరమైన తెగులు నుండి,

ఆయన తప్పక విడిపిస్తారు.

4 ఆయన తన రెక్కలతో నిన్ను కప్పుతారు,

ఆయన రెక్కల క్రింద నీకు ఆశ్రయం;

ఆయన నమ్మకత్వం నీకు డాలుగాను గోడగాను ఉంటుంది.