1 un mir hobn zich farkert, un hobn getsoign tsum midber, oifn veg fun Yam-Suf, azoi vi Hashem hot tsu mir geredt; un mir hobn zich arumgedreit arum barg Seir fil teg.

2 un Hashem hot tsu mir gezogt, azoi tsu zogn: 3 genug aich arumgein dem dozikn barg; farkert aich kein tsofn. 4 un dem folk bafel, azoi tsu zogn: ir geitdurch durch dem gemark fun aiere brider, di kinder fun Esav, vos zitsn in Seir, un zei veln moire hobn far aich; zolt ir zain zeyer opgehit. 5 ir zolt zich nisht onheibn mit zei, vorem nisht tsu mol a shpan fun a fustrit vel ich aich gebn fun zeyer land, vail a yerushe tsu Esav hob ich gegebn dem barg Seir. 6 esnvarg zolt ir fun zei far gelt ainhandlen un esen, un afile vaser zolt ir fun zei far gelt koifn un trinken. 7 vorem Hashem dain G-t hot dich gebentsht in yetveder tuung fun dain hant; er hot gevust dain gein durch dem dozikn groisn midber; shoin fertsik yor iz Hashem dain G-t mit dir; kein zach hot dir nisht gefelt. 8 un mir zainen avekgegangen fun undzere brider, di kinder fun Esav vos zitsn in Seir, fun dem veg fun ploin, fun Eilat, un fun Etsyon-Gever.

un mir hobn zich farkert un zainen avekgegangen oif dem veg fun dem midber fun Moav. 9 un Hashem hot tsu mir gezogt: zolst nisht faintn Moav, un nisht farfiren mit zei a milchome, vorem ich vel dir fun zain land nisht gebn kein arav, vail tsu di kinder fun Lot hob ich gegebn Ar a yerushe. – 10 frier zainen dortn gezesn di Emim, a folk grois un fil, un hoich vi di Anakim; 11 zei oich zainen gerechnt gevorn far Refaim, azoi vi di Anakim, ober di Moavim hobn zei gerufn Emim. 12 un in Seir zainen frier gezesn di Chorim, ober di kinder fun Esav hobn zei fartriben, un zei fartilikt fun far zich, un zich bazetst oif zeyer ort, azoi vi Yisroel hot geton tsum land fun zain arav, vos Hashem hot zei gegebn. 13 – atsund shteit oif, un geit aich ariber dem taich Zered.

un mir zainen aribergegangen dem taich Zered. 14 un di teg vos mir zainen gegangen fun Kadesh-Barnea biz vanen mir zainen ariber dem taich Zered, zainen geven acht un draisik yor; biz der gantser dor, di krigslait, zainen farlendt gevorn fun tsvishn dem lager, azoi vi Hashem hot zei geshvorn. 15 un oich iz di hant fun Hashem geven oif zei, zei umtsubrengen fun tsvishn dem lager, biz zei zainen farlendt gevorn.

16 un es iz geven, az ale krigslait zainen in gantsn oisgeshtorben fun tsvishn dem folk, 17 hot Hashem geredt tsu mir, azoi tsu zogn: 18 du geist haint ariber dem gemark fun Moav, Ar, 19 un vest genenen akegn di kinder fun Amon, zolst zei nisht faintn, un zich mit zei nisht onheibn, vorem ich vel dir fun dem land fun di kinder fun Amon nisht gebn kein arav, vail tsu di kinder fun Lot hob ich es gegebn a yerushe. – 20 dos oich vert gerechnt faran land fun di Refaim; di Refaim zainen drinen gezesn frier, un di Amonim hobn zei gerufn Zamzumim; 21 a folk grois un fil, un hoich vi di Anakim; ober Hashem hot zei fartilikt fun far zei, un zei hobn zei fartriben, un zich bazetst oif zeyer ort; 22 azoi vi er hot geton far di kinder fun Esav vos zitsn in Seir, vos er hot fartilikt di Chorim fun far zei, un zei hobn zei fartriben, un zich bazetst oif zeyer ort biz oif haintikn tog. 23 un di Avim vos zainen gezesn in derfer biz Azah, zei hobn di Kaftorim vos kumen arois fun Kaftor, fartilikt, un zich bazetst oif zeyer ort. – 24 shteit oif, tsit avek, un geit ariber dem tal Arnon. ze, ich hob gegebn in dain hant Sichon dem Emori, dem melech fun Cheshbon, un zain land; heib on aintsunemen, un farfir mit im a milchome. 25 haintikn tog vel ich onheibn vorfn dain shrek un dain moire oif di felker untern gantsn himel, az ven zei veln hern dain herung, veln zei tsiteren un flatern far dir.

26 un ich hob geshikt shluchim fun midber Kedemot tsu Sichon dem melech fun Cheshbon – verter fun sholem, azoi tsu zogn: 27 lomich durchgein durch dain land; oifn veg, oifn veg vel ich gein; ich vel zich nisht opkeren rechts oder links. 28 esnvarg vestu mir far gelt farkoifen, un ich vel esen, un vaser vestu mir far gelt gebn, un ich vel trinken; lomich bloiz durchgein oif maine fis; 29 azoi vi es hobn mit mir geton di kinder fun Esav vos zitsn in Seir, un di Moavim vos zitsn in Ar; biz vanen ich vel aribergein dem Yarden tsu dem land vos Hashem Elokeinu git undz. 30 ober Sichon der melech fun Cheshbon hot undz nisht gevolt durchlozn durch im, vorem Hashem dain G-t hot hart gemacht zain gemit, un fest gemacht zain harts, kedei im tsu gebn in dain hant, azoi vi haintikn tog. 31 un Hashem hot tsu mir gezogt: ze, ich hob ongehoibn ibergebn tsu dir sichunen un zain land; heib on aintsunemen kedei tsu arben zain land. 32 iz Sichon aroisgegangen akegn undz, er mit zain gantsn folk, oif milchome kein Yahats. 33 un Hashem Elokeinu hot im ibergegebn tsu undz, un mir hobn geshlogn im, un zaine zin, un zain gants folk. 34 un mir hobn in yener tsait batsvungen zaine shtet, un farvist itleche shtot, mener un vaiber un kleine kinder; mir hobn nisht gelozt an iberblaib. 35 nor di beheimes hobn mir geroibt far zich, un dem zakroib fun di shtet vos mir hobn batsvungen. 36 fun Aroer vos baim breg tal Arnon, un der shtot vos in tal, un biz Gilad, iz nisht geven a shtot vos iz geven shtarker fun undz; alts hot Hashem Elokeinu ibergegebn tsu undz. 37 nor tsu dem land fun di kinder fun Amon hostu nisht genent: tsu dem gantsn breg fun taich Yabbok, un di shtet fun barg, un umetum vu Hashem Elokeinu hot farvert.