1 farnemt ir himlen, un ich vel redn,

un zol hern di erd di reid fun main moil.

2 zol trifn vi regn main lernung,

zol rinen vi toi main vort;

vi a gusregn oif groz

un vi shpreiregn oif kraitechts.

3 vorem dem nomen fun Hashem vel ich rufn;

git groiskeit tsu Elokeinu.

4 der feldz – zain verk iz gants,

vail ale zaine vegen zainen recht;

an El fun getraishaft, un on umrecht,

gerecht un rechtfartik iz er.

5 iz fun im di fardarbung? nein!

zaine kinder, zeyers iz der feler;

a krumer un fardreiter dor.

6 vilt ir azoi Hashem fargeltn,

gemein un umklug folk?

iz er nisht dain foter vos hot dich gekoifn?

er – vos hot dich gemacht un eingerichtet?

7 gedenk di teg fun fartsaitn,

batracht fun dor-doires di yorn,

freg dain foter, er zol dir dertseiln,

daine zkeinim, zei zoln dir zogn.

8 ven der Elyon hot bateilt di umes,

ven er hot tsesheidt di kinder fun mentshn,

hot er geshtelt di gemarkn fun felker,

loit der tsol fun di kinder fun Yisroel.

9 vorem der chelek fun Hashem iz zain folk,

Yaakov der teil fun zain nachle.

10 er hot im gefunen in midber-land,

un in vistn gevoi fun der vildernish,

im arumgeringlt, im gemacht farshtein, im oifgepast,

im opgehit vi zain oigapl.

11 vi an odler vekt zain nest,

flatert iber zaine yunge,

shpreit zaine fledern un nemt zei,

trogt zei oif zain fligel –

12 hot Hashem alein im gefirt,

un nisht geven mit im a fremder G-t.

13 er hot im gezetst oif di heichn fun der erd,

un er hot gegesn di fruchtn fun feld;

un er hot im gemacht zoign honik fun feldz,

un eil fun kizlshtein;

14 shmant fun rinder, un milch fun shof,

mit fets fun lemer,

un viders fun Bashan un bek,

mit nirnfets fun veits;

un fun troibnblut trinkstu shoimikn vain.

15 un Yeshurun iz fet gevorn un hot gebriket –

bist fet, bist dik, bist grob gevorn;

un er hot farlozt Eloah vos hot im bashafn,

un geshendt dem feldz fun zain hilf.

16 zei hobn im dertsernt mit kine mit fremdgeter,

mit umverdikeitn im derbeizert.

17 zei hobn makrev tsu di sheidim, un nisht tsu G-t,

g‑ter vos zei hobn zei nisht gekent,

naie okersht gekumene,

vos aiere eltern hobn zich far zei nisht geforcht.

18 on dem feldz vos hot dich geborn hostu nisht gedacht,

un fargesen dem El vos hot dich gehat.

19 un Hashem hot gezen un hot faracht,

iber der dertserenung fun zaine zin un zaine techter.

20 un er hot gezogt: ich vel farborgen main ponem fun zei.

ich vel zen vos vet zain zeyer sof;

vorem a farkerter dor zainen zei,

kinder on traishaft in zei.

21 zei hobn mich dertsernt mit kine

mit dem vos iz nisht kein G-t,

mich derbeizert mit zeyere nishtikeitn,

un ich vel zei dertserenen mit kine mit vos zenen nisht a folk,

mit a narishem folk vel ich zei dertserenen.

22 vorem a faier iz ongetsundn in main noz,

un es brent biz der tifer Sheol,

un fartsert di erd mit ir geveks,

un tseflamt di gruntfestn fun di berg.

23 ich vel oislozen oif zei beizn,

ich vel maine failn farlendn oif zei:

24 darung fun hunger, un tserung fun hits,

un bitere pest;

un dem tson fun chayes vel ich shikn oif zei:

mit gift fun di shtoibkrichers.

25 droisn vet aveknemen di shverd,

un in di kamern di eime;

i dem bocher i di meidl,

dem zoigedikn mitn graizgroen man.

26 ich volt gezogt: ich vel zei farlendn,

ich vel fartiliken fun mentshn zeyer Zecher;

27 ven ich forcht nisht dem soines dertserenung,

zeyere faint zoln nisht oisleigen falsh;

nisht zogn: undzer hant iz derhoibn,

un nisht Hashem hot dos altsding geton.

28 vorem a folk on barot zainen zei,

un nishto kein farshtandikeit in zei.

29 az zei voltn klug geven, voltn zei dos batracht,

zei voltn baklert zeyer sof:

30 vi ken einer yogn toiznt,

un tsvei fartraiben tsen toiznt,

ven nisht zeyer feldz hot zei ibergegebn,

un Hashem hot zei ibergeentfert?

31 vorem nisht vi undzer feldz iz zeyer feldz;

un megn undzere sonem antsheiden.

32 vorem fun vainshtok fun Sodom iz zeyer vainshtok,

un fun di felder fun Amora;

zeyere troibn zainen troibn fun gift,

bitere henglech zainen bai zei.

33 sam fun shlangen iz zeyer vain,

un umderbaremdik pipernotergift.

34 far vor, dos iz bahaltn bai mir,

farchasmet in maine shatskamern;

35 ich halt nekome un batsolung

far der tsait ven zeyer fus vet zich oisglitshn;

vorem nont iz der tog fun zeyer broch,

un ailik kumt vos iz ongebreit far zei.

36 vorem Hashem vet zich onnemen far zain folk,

un oif zaine knecht zich derbaremen,

ven er zet az oisgegangen iz di kraft,

un kein mutermentsh iz nishto;

37 un er vet zogn: vu zainen zeyere g‑ter,

der feldz vos zei hobn zich geshitst in im?

38 vos hobn dos fets fun zeyere shlachtopfer gegesn,

getrunken dem vain fun zeyer gisopfer?

zoln zei oifshtein un aich helfn;

zol er zain iber aich a farborgenish.

39 zet atsund az ich, ich bin dos,

un nishto kein G-t mit mir;

ich teit un mach lebedik,

ich farvund un ich heil,

un fun main hant iz nishto ver zol matsl zain.

40 vorem ich heib tsum himel main hant,

un zog: azoi vi ich leb eibik,

41 ven ich sharf dem blits fun main shverd,

un main hant vet tsum mishpot zich nemen,

vel ich umkeren nekome tsu maine faint,

un maine sonem vel ich batsoln.

42 ich vel onshikurn maine failn mit blut,

un main shverd vet zich onesn mit fleish –

mit blut fun dershlogene un gefangene,

mit di langhorike kep fun dem faint.

43 bazingt, ir umes, zain folk,

vorem faran blut fun zaine knecht vet er zich noikem zain,

un nekome vet er umkeren tsu zaine faint,

un fargitikn zain land un zain folk.

44 un Moshe iz gekumen un hot geredt ale verter fun dem dozikn gezang in di oiern fun folk, er un Hoshea der zun fun Nun. 45 un vi Moshe hot geendikt redn ale di dozike verter tsu gants Yisroel, 46 hot er tsu zei gezogt: leigt tsu aier harts tsu ale verter vos ich zog aich haint on, az ir zolt zei bafeln tsu aiere kinder, tsu hitn tsu ton ale verter fun der doziker toyre. 47 vorem dos iz nisht a hoil gereid far aich, naiert dos iz aier lebn, un durch der doziker zach vet ir maarich-yamim zain oif der erd vos ir geit ahin ariber dem Yarden, zi tsu arben.

48 un Hashem hot geredt in dem dozikn eigenem tog tsu Mosheen, azoi tsu zogn: 49 gei aroif tsu dem dozikn barg Avarim, dem barg Nevo vos in land Moav, vos akegn Yericho, un kuk on dos land Kenaan vos ich gib tsu di kinder fun Yisroel far an eigentum.

50 un shtarb oif dem barg vos du geist ahin aroif, un ver aingezamlt tsu dain folk, azoi vi dain bruder Aharon iz geshtorbn oifn barg Hor, un iz aingezamlt gevorn tsu zain folk. 51 far vos ir hot gefelsht on mir tsvishn di kinder fun Yisroel, baim vaser fun Merivat-Kadesh, in midber Tsin, far vos ir hot mich nisht geheilikt tsvishn di kinder fun Yisroel. 52 nor fun der vaitn vestu zen dos land, ober kumen ahin vestu nisht, in dem land vos ich gib tsu di kinder fun Yisroel.