1 un atsund, Yisroel, her tsu di chukkim un di gezetsn vos ich lern dich tsu ton, kedei ir zolt lebn, un kumen un arben dos land vos Hashem der G-t fun aiere eltern git aich. 2 ir zolt nisht tsuleigen tsu dem vort vos ich gebit aich, un ir zolt nisht minern derfun, kedei tsu hitn di gebot fun Hashem Elokeichem, vos ich gebit aich. 3 aiere oign hobn gezen vos G-t hot geton in Baal-Peor, az yetveder man vos iz gegangen noch dem Baal fun Peor, hot im Hashem dain G-t fartilikt fun tsvishn dir. 4 un ir, vos zait baheft on Hashem Elokeichem, lebt haint ale.

5 ze, ich hob aich gelernt chukkim un gezetsn, azoi vi Hashem main G-t hot mir bafoiln, oif tsu ton azoi in dem land vos ir kumt ahin, es tsu arben. 6 zolt ir zei hitn un ton, vorem dos iz aier klugshaft un aier farshtandikeit in di oign fun di umes, vos az zei veln hern ale di dozike gezetsn, veln zei zogn: far vor, a kluge un farshtandike ume iz dos dozike groise folk. 7 vorem voser grois folk iz faran, vos hot a G-t nont tsu im azoi vi Hashem Elokeinu, ven nor mir rufn tsu im? 8 un voser grois folk iz faran, vos hot chukkim un gezetsn gerechte azoi vi di dozike gantse toyre, vos ich leig far aich haintikn tog? 9 nor zai dir opgehit un hit zeyer dain zel, zolst nisht fargesen di zachn vos daine oign hobn gezen, un zei zoln nisht opgeton vern fun dain hartsn ale teg fun dain lebn, un zolst zei machn visen daine kinder un daine kinds-kinder; 10 dem tog vos du bist geshtanen far Hashem dain G-t in Chorev, ven G-t hot tsu mir gezogt: zaml ain tsu mir dos folk, un ich vel zei lozn hern maine verter, kedei zei zoln lernen moire tsu hobn far mir ale teg vos zei lebn oif der erd, un oich zeyere kinder zoln zei lernen. 11 un ir hot genent, un hot zich geshtelt untern barg, un der barg hot gebrent mit faier bizn hartsn fun himel, mit fintsternish, volken, un nebl. 12 un Hashem hot tsu aich geredt fun mitn faier; a kol fun verter hot ir gehert, ober a geshtalt hot ir nisht gezen; bloiz a kol. 13 un er hot aich ongezogt zain bris vos er hot aich bafoiln tsu ton – di tsen gebot; un er hot zei oifgeshribn oif tsvei shteinerne luches. 14 un mir hot Hashem bafoiln in yener tsait aich tsu lernen chukkim un gezetsn, kedei ir zolt zei ton in dem land vos ir geit ariber ahin, es tsu arben. 15 derum zolt ir zeyer hitn aier zel – vorem ir hot nisht gezen kein geshtalt in dem tog vos Hashem hot geredt tsu aich in Chorev fun mitn faier – 16 az ir zolt nisht fardorben vern un aich machn a geshnits, di glaichenish fun a shum bild, di geshtalt fun a zocher oder a nekeyve, 17 di geshtalt fun a shum beheime vos oif der erd, di geshtalt fun a shum gefligltn foigel vos flit in himel, 18 di geshtalt fun vos nor es kricht oif der erd, di geshtalt fun a shum fish vos in vaser unter der erd. 19 un az du vest oifheibn daine oign tsum himel, un zen di zun un di Livnah un di shtern, dem gantsn cheil fun himel, zolstu nisht aropgefirt vern, un zich bukn tsu zei, un dinen zei, vos Hashem dain G-t hot zei tsugeteilt tsu ale felker untern gantsn himel. 20 ober aich hot Hashem genumen, un aich aroisgetsoign fun dem aiznshmeltsoivn, fun Mitsrayim, im tsu zain far an arbfolk, azoi vi haintikn tog. 21 un G-t hot getsernt oif mir fun aiertvegn, un er hot geshvorn az ich zol nisht aribergein dem Yarden, un nisht kumen in dem gutn land vos Hashem dain G-t git dir far a nachle. 22 vorem ich shtarb in dem hign land; ich gei nisht ariber dem Yarden, ober ir vet aribergein, un vet arben dos dozike gute land. 23 hit aich, ir zolt nisht fargesen dem bris fun Hashem Elokeichem, vos er hot geshlosn mit aich, un aich machn a geshnits, di geshtalt fun vos es iz, vos Hashem dain G-t hot dir farvert.

24 vorem Hashem dain G-t iz a faier vos fartsert, an El Kanna.

25 az du vest gebern kinder un kinds-kinder, un ir vet zich eltern in land, un ir vet fardorben vern, un vet machn a geshnits, a geshtalt fun vos es iz, un ir vet ton vos iz shlecht in di oign fun Hashem dain G-t, im tsu dertserenen, 26 mach ich haint himel un erd eides kegen aich, az untergein vet ir gich untergein fun dem land vos ir geit ariber dem Yarden ahin, es tsu arben; ir vet nisht maarich-yamim zain drinen, naiert fartilikt vet ir fartilikt vern. 27 un Hashem vet aich tseshpreitn tsvishn di umes, un ir vet blaibn getseilte mentshn tsvishn di felker, vos Hashem vet aich ahin avekfiren.

28 un ir vet dortn dinen g‑ter gemacht fun a mentshns hent, holts un shtein, vos nisht zei zeen, un nisht zei hern, un nisht zei esen, un nisht zei shmekn. 29 un ir vet zuchn fun dortn Hashem Elokeichem; un vest im gefinen, az du vest im zuchn mit dain gantsn hartsn, un mit dain gantser zel. 30 az dich vet tsudrikn, un dich veln trefn ale di dozike zachn, in sof fun di teg, vestu zich umkeren tsu Hashem dain G-t, un vest tsuhern tsu zain kol. 31 vorem Hashem dain G-t iz a derbaremdiker El; er vet dich nisht farlozen un dich nisht umbrengen, un er vet nisht fargesen dem bris mit daine eltern, vos er hot zei geshvorn.

32 vorem freg akorsht noch oif di frierdike teg vos zainen geven far dir, fun zint dem tog vos Elokim hot bashafn a mentshn oif der erd, un fun ek himel biz ek himel, oib es iz ven geshen azoi vi di dozike groise zach, oder oib azoi-vos iz gehert gevorn? 33 oib a folk hot gehert dem kol fun Elokim redn fun mitn faier, azoi vi du host gehert un iz geblibn lebn? 34 oder oib a G-t hot gepruvet aroisnemen far zich a folk fun tsvishn an ander folk, mit pruvungen, mit tseichns, un mit vunder, un mit milchome, un mit a shtarker hant, un mit an oisgeshtrektn orem, un mit groise shrekn, azoi vi alts vos Hashem Elokeichem hot geton fun aiertvegn in Mitsrayim far daine oign? 35 dir iz es bavizn gevorn, kedei zolst visen az Hashem, er iz HaElokim; un achuts iz nisht do kein Elokim. 36 fun himel hot er dich gelozt hern zain kol, kedei dich tsu lernen, un oif der erd hot er dir bavizn zain grois faier, un zaine verter hostu gehert fun mitn faier. 37 un derfar vos er hot lib gehat daine eltern, hot er oisderveilt zeyer zomen noch zei, un hot dich aroisgetsoign mit zain ongezicht, mit zain grois shtarkeit, fun Mitsrayim, 38 tsu fartraiben fun far dir felker greser un machtiker fun dir, dich tsu brengen kedei dir tsu gebn zeyer land far a nachle, azoi vi haintikn tog. 39 un zolst visen haint, un arainnemen in dain hartsn, az Hashem, er iz HaElokim in himel oiben, un oif der erd unten; mer iz nishto. 40 un zolst hitn zaine gezetsn un zaine gebot, vos ich gebit dir haint, kedei es zol gut zain dir un daine kinder noch dir, un kedei zolst maarich-yamim zain oif der erd vos Hashem dain G-t git dir, shtendik.

41 dentsmol hot Moshe opgesheidt drai shtet oif yener zait Yarden tsu zunoifgang, 42 oif tsu antloifn ahin, far dem toitshleger vos harget zain chever on a kivn, un er iz im nisht geven a soine fun nechtn-eyernechtn; az ven er vet antloifn in einer fun di dozike shtet, zol er blaibn lebn: 43 Betser in midber, in dem flachland, far di Reuvenim, un Ramot in Gilad, far di Gadim, un Golan in Bashan, far di Menashim.

44 un dos iz di toyre vos Moshe hot geleigt far di kinder fun Yisroel; 45 dos zainen di tseignim un di chukkim un di gezetsn vos Moshe hot geredt tsu di kinder fun Yisroel, ven zei zainen aroisgegangen fun Mitsrayim; 46 oif yener zait Yarden, in tal akegn Beis-Peor, in land fun Sichon dem melech fun Emori, vos iz gezesn in Cheshbon, dem vos Moshe un di kinder fun Yisroel hobn geshlogn, ven zei zainen aroisgegangen fun Mitsrayim; 47 un zei hobn gearbt zain land, un dos land fun Og dem melech fun Bashan – di tsvei mlochim fun Emori vos oif yener zait Yarden tsu zunoifgang;

48 fun Aroer vos baim breg tal Arnon, un bizn barg Siyon – dos iz Chermon – 49 un dem gantsn ploin fun yener zait Yarden tsu mizrech, un biz dem yam fun ploin, unter di aropgangen fun Pisgah.