5 ଫାରୋ ରାଜାରାଃ ହନ୍ତେକୁଡ଼ି ଉମିନ୍ ନାଙ୍ଗ୍ ନିଲ୍ ନାହିଁତେ ସେନ୍କେନା ଓଡ଼ୋଃ ଆୟାଃ କାମ୍ଡ଼ି କୁଡ଼ିକ ନାହିଁ ଗେନାରେ ସେନ୍ବାଡ଼ା ତାଇକେନାକ, ଇମ୍ତାଙ୍ଗ୍ ଇନ୍କୁ ଏନ୍ ଖାନ୍ଚିକେ ଜିମ୍ତୁ ଥାଲାରେ ନେଲ୍କେଦାକ ଓଡ଼ୋଃ ଏନାକେ ଆଉ ନାଗେନ୍ତେ ଆୟାଃ ଦାସି କୁଡ଼ିକେ କୁଲ୍କିୟା। 6 ରାଜାରାଃ ହନ୍ତେକୁଡ଼ି ଏନାକେ ଅଟାଃଆ କେଦାଏ ଓଡ଼ୋଃ ମିଆଦ୍ କଡ଼ାହନ୍କେ ନେଲ୍କିୟାଏ। ଏନ୍ ହନ୍ ରାଆଃ ତାଇକେନାଏ, ଏନାମେନ୍ତେ ଆୟାଃ ଚେତାନ୍ରେ ଦାୟାକେଦ୍ତେ କାଜିକେଦା, "ନିଃ ମିଆଦ୍ ଏବ୍ରୀ ହନ୍ ତାନିଃ।"
7 ଏନ୍ତେ ହନ୍ଆଃ ମିଶିତେ ଫାରୋରାଃ ହନ୍କୁଡ଼ିତାଃ ସେନ୍କେଦ୍ତେ କାଜିକିୟା, "ଆଇଙ୍ଗ୍ ନେ ହନ୍କେ ତଆ ଆନୁ ନାଙ୍ଗ୍ ମିଆଁଦ୍ ଏବ୍ରୀ ଏଙ୍ଗାକେ କେଡ଼ା ଆଉ ନାଙ୍ଗ୍ ସେନାଇଙ୍ଗ୍ଚି ?"
8 ଫାରୋରାଃ ହନ୍ତେକୁଡ଼ି କାଜିକିୟାଏ, "ହଁ, ଜୁ ସେନ୍ମେ।" ଏନ୍ତେ ଏନ୍ କୁଡ଼ି ସେନ୍ୟାନ୍ଲଃ ହନ୍ଆଃ ଏଙ୍ଗାତେକେ କେଡ଼ାଆଉକିୟା। 9 ଫାରୋରାଃ ହନ୍ତେକୁଡ଼ି ଏନ୍ କୁଡ଼ିକେ କାଜିକିୟା, "ଆମ୍ ନେ ହନ୍କେ ଆଇଙ୍ଗ୍ ନାଙ୍ଗ୍ ତଆ ଆନୁଇମେ, ଆଇଙ୍ଗ୍ ଆମ୍କେ ଗନଙ୍ଗ୍ ଏମାମେୟାଇଙ୍ଗ୍।" ଏନାରେ ଏନ୍ କୁଡ଼ି ହନ୍କେ ଇଦିକେଦ୍ତେ ତଆ ଆନୁକିୟାଏ।
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)