ହରାସେନ୍‌ପୁଥି 3

7 ଏନ୍ତେ ପ୍ରାଭୁ ପାର୍‌ମେଶ୍ୱାର୍ କାଜିକେଦାଏ, "ଆଇଙ୍ଗ୍‌ ମିସାର୍‌ ଦିଶୁମ୍‌ରେ ତାଇନ୍‌ତାନ୍ ଆଇଁୟାଃ ହଡ଼କଆଃ ସାସାତିକେ ନେଲାକାଦାଇଙ୍ଗ୍‌ ଓଡ଼ୋଃ ରାଇଜ୍‌ ଚାଲାଅତାନ୍‌କଆଃ ସିଗିଦ୍‌ ହରାତେ ଇନ୍‌କୁଆଃ ରାନାଃ ଆୟୁମ୍‌କାଦାଇଙ୍ଗ୍‌। ଆଇଙ୍ଗ୍‌ ଇନ୍‌କୁଆଃ ହାସୁ ଦୁକୁ ସାରିକାଦାଇଙ୍ଗ୍‌। 8 ଏନାମେନ୍ତେ ଆଇଙ୍ଗ୍‌ ଇନ୍‌କୁକେ ମିସାର୍‌ରେନ୍‌ ହଡ଼କଆଃ ତିଃଇଏତେ ବାଞ୍ଚାଅକଆଇଙ୍ଗ୍‌। ଆଇଙ୍ଗ୍‌ ମିସାର୍‌ ଦିଶୁମ୍‌ଏତେ ଇନ୍‌କୁକେ ଅଡଙ୍ଗ୍‌ ଆଉକେଦ୍‌କଲଃ ମିଆଁଦ୍‌ ବୁଗିନ୍‌ ଦିଶୁମ୍‌ତେ ଇଦିକଆଇଙ୍ଗ୍‌। ଏନା ତଆ ହୁରୁମ୍‌ସୁକୁ ଲିଙ୍ଗିୟଃତାନ୍‌ ଦିଶୁମ୍‌ତାନାଃ, ଏନ୍ତାଃରେ ଜେତା ହାସୁ ଦୁକୁ କା ତାଇନାଃ। ଏନା କିନାନିୟ, ହିତ୍ତିୟ, ଇମୋରିୟ, ପିରିଷିୟ, ହିବ୍ବୀୟ ଓଡ଼ୋଃ ଯିବୁଷିୟ ହଡ଼କ ତାଇନଃତାନ୍‌ ଠାୟାଦ୍‌ ତାନାଃ।