ಜೊಶುವಾ 15

ಜುದೆವಾಕ್ನಿ ಜಾಗೆ ದಿಲ್ಲೆ

1 ಎದೊಮ್ ಸಿಮೆ ಅನಿ ಚಿನ್ ಡಂಗಳ್ ಘಡಿ ಹೊವ್ನ್ ಹೊತ್ತ್ಯಾ ಕಾನಾನ್ ದೆಶಾಚೊ ದಕ್ಷಿನ್ ಭಾಗ್ ಜುದೆವಾಂಚ್ಯಾ ಘರಾನಾಚ್ಯಾ ಗೊತ್ರಾಕ್ನಿ ವಾಟ್ಯಾಕ್ ಗಾವ್ಲೆ. 2 ತೆಚಿ ದಕ್ಷಿನ್ ದಿಕ್ಕಾಚಿ ಘಡ್ ಲವನ್ ಸಮುಂದರಾಚ್ಯಾ ಉತ್ತರ್ ದಿಕ್ಕಾಚ್ಯಾ ಆಕ್ರಿಕ್ನಾ ಶುರುಹೊವ್ನ್, 3 ಅಕ್ರಬ್ಬಿಮ್ ಮನ್ತಲ್ಯಾ ಕೊಳ್ಳಾಚ್ಯಾ ದಕ್ಷಿನ್ ದಿಕ್ಕಾಚ್ಯಾ ವಾಟೆನ್ ಚಿನಿಕ್ ಜಾತಾ, ಥೈತ್ನಾ ಕಾದೆಶ್ ಬರ್ನೆಯಾಚ್ಯಾ ದಕ್ಷಿನ್ ದಿಕ್ಕಾಚ್ಯಾ ವಾಟೆನ್ ಹೆಚ್ರೊನಾಕ್ ಅನಿ ಥೈತ್ನಾ ಚಡುನ್ಗೆತ್ ಅದ್ದಾರಿಕ್ಬಿ ಜಾವ್ನ್ ಕರ್ಕಾಚ್ಯಾ ಭಾಜುಕ್ ಪರ್‍ತುನ್, 4 ಅಚ್ಮೊನಿಕ್ನಾ ಇಜಿಪ್ತಾಚ್ಯಾ ನ್ಹಯಿಕ್ ಯೆವ್ನ್, ಸಮುಂದರಾಚ್ಯಾ ದಂಡೆಕ್ ಸರ್ತಾ, ಹೆಜಿ ಉತ್ತರ್ ದಿಕ್ಕಾಚಿ ಘಡ್, 5 ಜೊರ್ದಾನ್ ನ್ಹಯಿಚ್ಯಾ ತೊಂಡಾಕ್ನಾ ಲವನ್ ಸಮುಂದರಾತ್ ತೆಚಿ ದಿಸ್ ಉಗಾವ್ತಲ್ಯಾ ದಿಕ್ಕಾಚಿ ಘಡಿ, ತೆಚಿ ಉತ್ತರ್ ದಿಕ್ಕಾಚಿ ಘಡಿ ಜೊರ್ದಾನ್ ನ್ಹಯ್ ಲವನ್ ಸಮುಂದರಾಕ್ ಮಿಳ್ತಲ್ಯಾ ಜಾಗ್ಯಾಕ್ನಾ ಶುರು ಹೊವ್ನ್, 6 ಬೆತ್ ಹೊಗ್ಲಾ, ಬೆತ್ ಅರಾಬಾಚೊ ಉತ್ತರ್ ದಿಕ್ಕಾಚೊ ಪ್ರಾಂತ್ಯಾ, ರುಬೆನಾಚೊ ಲೆಕ್ ಬೊಹಾಚೊ ಗುಂಡೊ, 7 ಆಕೊರಿಚೊ ಖಡ್ಡೊ, ಹೆಂಚ್ಯಾ ವೈನಾ ದೆಬೆರಿಕ್ ಜಾತಾ, ತಿ ಥೈತ್ನಾ ಉತ್ತರ್ ದಿಕ್ಕಾಕ್ ಫಿರುನ್ ನ್ಹಯಿಚ್ಯಾ ದಕ್ಷಿನ್ ದಿಕ್ಕಾಚ್ಯಾ ಅದುಮಿಕ್ ಜಾತಲ್ಯಾ ವಾಟೆಚ್ಯಾ ಇದ್ರಾಕ್ ಹೊತ್ತ್ಯಾ ಗಿಲ್ಗಾಲ್, ಎನ್ ಶೆಮೆಶ್ ಮನ್ವುನ್ ಘೆತಲಿ ಝರೊ, 8 ಅನಿ ಎನ್ ರೊಗೆಲ್ ಹೆಂಚ್ಯಾ ವೈನಾ ಬೆನ್ ಹಿನ್ನೊಮಾಚ್ಯಾ ಕೊಳ್ಳಾಕ್ ಜಾತಾ, ಥೈತ್ನಾ ತೆ ಜೆರುಜಲೆಮ್ ಶಾರ್ ಭಾಂದುನ್ ಹೊಲ್ಲ್ಯಾ ಜೆಬುಸಿಯಾಂಚ್ಯಾ ಮಡ್ಡಿಚ್ಯಾ ದಕ್ಷಿನ್ ದಿಕ್ಕಾಚ್ಯಾ ವಾಟೆನ್ ಹಿನ್ನೊಮ್ ಖಡ್ಡ್ಯಾಚ್ಯಾ ದಿಸ್ ಬುಡ್ತಲ್ಯಾ ದಿಕ್ಕಾತ್ ಅನಿ ರೆಫಾಯಿಮ್ ಖಡ್ಡ್ಯಾಚ್ಯಾ ಉತ್ತರ್ ದಿಕ್ಕಾತ್ ಹೊತ್ತ್ಯಾ ಮಡ್ಡಿಚ್ಯಾ ತುದಿಕ್ ಜಾತಾ. 9 ತಿ ಮಡ್ಡಿಚ್ಯಾ ತುದಿಕ್ನಾ ಫಿಡೆ ನೆಪ್ತುಹ್ ಝರೊ, ಎಫ್ರೊನ್ ಮಡ್ಡಿಚಿ ಶಾರಾ ಹೆಂಚ್ಯಾ ವರ್‍ತಿ ಕಿರ್ಯಾತಯಿಮ್ ಮನ್ತಲ್ಯಾ ಬಾಲಾ ಗಾಂವಾಕ್ ಜಾತಾ. 10 ಥೈತ್ನಾ ದಿಸ್ ಬುಡ್ತಲ್ಯಾ ದಿಕ್ಕಾಚ್ಯಾ ಸೆಯಿರ್ ಮಡ್ಡಿಕ್ಡೆ ಪರ್‍ತುನ್ ಕೆಸಾಲೊನ್ ಮನ್ತಲ್ಯಾ ಯಾರಿಮ್ ಮಡ್ಡಿಚ್ಯಾ ಉತ್ತರ್ ದಿಕ್ಕಾಚ್ಯಾ ವಾಟೆನ್ ಉತ್ರುನ್ ಬೆತ್ ಶೆಮೆಸಿಕ್ ಅನಿ ಥೈತ್ನಾ ತಿಮ್ನಾ ಗಾಂವಾಕ್ ಯೆವ್ನ್, 11 ಥೈತ್ನಾ ಉತ್ತರ್ ದಿಕ್ಕಾಚ್ಯಾ ಎಕ್ರೊನ್ ಮಡ್ಡಿಕ್ ಜಾವ್ನ್, ಶಿಕ್ಕೆರೊನಾಕ್ ಪರ್‍ತುನ್ ಬಾಲಾ ಮಡ್ಡಿಚ್ಯಾ ವರ್‍ತಿ ಯೆಬ್ನೆಲಿಕ್ ಜಾವ್ನ್ ಸಮುಂದರಾಚ್ಯಾ ದಂಡೆ ವರ್‍ತಿ ಸರ್ತಾ. 12 ಮೊಟ್ಟ್ಯಾ ಸಾಗರಾಚಿ ದಂಡುಚ್ ದಿಸ್ ಬುಡ್ತಲ್ಯಾ ದಿಕ್ಕಾಚಿ ಘಡ್, ಜುದೆವಾಂಚ್ಯಾ ಗೊತ್ರಾಂಚಿ ಭೊತ್ಯಾನಿ ಹೊತ್ತಿ ಘಡಿಯಾ ಹಿಚ್.

ಕಾಲೆಬಾಕ್ ಹೆಬ್ರೊನ್ ಅನಿ ದೆಬಿರ್ ದಿಲ್ಲೆ

13 ಜೊಶ್ವಾನ್ ಸರ್ವೆಸ್ಪರಾಚ್ಯಾ ಹುಕುಮಾ ಸಾರ್ಕೆ ಜೆಪುನ್ನಾಚೊ ಲೆಕ್ ಕಾಲೆಬಾಕ್ ಜುದೆವಾಂಚ್ಯಾ ಘರಾನಾಂಚ್ಯಾ ಮಡ್ಡಿಚ್ ಅನಾಕಾಚೊ ಬಾಬಾ ಅರ್ಬ್ ಮನ್ತಲ್ಯಾಚೆ ಶಾರ್ ಹೆಬ್ರೊನ್ ದಿಲ್ಯಾನ್. 14 ಕಾಲೆಬಾನ್ ಶೆಶೈ, ಅಹಿಮ್ ಅನಿ ತಲ್ಮೈ ಮನ್ತಲ್ಯಾ ತಿನ್ ಪೊರಾಕ್ನಿ ಥೈತ್ನಾ ಭಾಯ್ರ್ ಘಾಟ್ಲ್ಯಾನ್. 15 ಮಾನಾ ತೊ ಕಿರ್ಯಾತ್ ಸೆಫೆರ್ ಮನ್ವುನ್ ಘೆತಲ್ಯಾ ದೆಬೆರಾಚ್ಯಾ ಲೊಕಾಂಚ್ಯಾ ವಾಂಗ್ಡಾ ಲಡಾಯ್ ಕರ್ಲ್ಯಾನ್. 16 ತೆನಿ ಕಿರ್ಯಾತ್ ಸೆಫೆರ್ ಧರುನ್ಗೆಟಲ್ಲ್ಯಾಕ್ನಿ ಮಾಜಿ ಲೆಕ್ ಅಕ್ಷಾ ಮನ್ತಲಿಕ್ ದಿವ್ನ್ ಲಗಿನ್ ಕರ್ತಾ ಮಟ್ಲ್ಯಾನ್. 17 ಕೆನಜಾಚೊ ಲೆಕ್ ಅನಿ ಕಾಲೆಬಾಚೊ ಭಾವ್ ಒತ್ನಿಯೆಲ್ ಮನ್ತಲ್ಯಾನ್ ತೆ ಘೆತಾನಾ ತೆಕಾ ಅಪ್ನಾಚಿ ಲೆಕ್ ಅಕ್ಷಾ ಮನ್ತಲಿಕ್ ದಿವ್ನ್ ಲಗಿನ್ ಕರ್ಲ್ಯಾನ್. 18 ತಿ ಯೆತಾನಾ ಅಪ್ನಾಚ್ಯಾ ಬಾಬಾಕ್ಡೆ ಜಿಮಿನ್ ಮಾಗುಚೆ ಮನುನ್ ಉಮ್ಮೆದ್ ಭರುನ್, ಅಪ್ನಿ ಗಾಡ್ವಾ ವೈನಾ ಉತರ್ಲಿನ್, ಕಾಲೆಬಾನ್ ತುಕಾ ಕಾಯ್ ಪಾಜೆ ಮನುನ್ ತಿಕಾ ಇಚಾರ್‍ತಾನಾ, 19 ಮಾಕಾ ಎಕ್ ದಾನ್ ದಿವ್ಚೆ, ಮಾಕಾ ವಾಳ್ಕ್ಯಾ ಜಿಮ್ನಿಚ್ಯಾ ಗಾಂವಾಕ್ ದಿಲೈ ನ್ಹಯ್ , ಝರಿಯಾ ಹೊತ್ತೊ ಜಾಗೊ ಮಾಕಾ ದಿ ಮಟ್ಲಿನ್, ತನ್ನಾ ತೆನಿ ತಿಕಾ ವೈಲಿ ಅನಿ ಖಾಲ್ತಿ ಹೊತ್ತಿ ಝರಿಯಾ ದಿಲ್ಯಾನ್.

ಜುದಾಚಿ ಶಾರಾ

20 ಜುದೆವಾಂಚ್ಯಾ ಘರಾನಾಚ್ಯಾ ಗೊತ್ರಾಕ್ನಿ ಗಾವಲ್ಲ್ಯಾ ಆಸ್ತಿಚೊ ಇಸಬ್, 21 ಎದೊಮ್ ಪ್ರಾಂತ್ಯಾ ಘಡಿ ಹೊವ್ನ್ ಹೊತ್ತೆ ದಕ್ಷಿನ್ ಭಾಜುಚೆ ಕಬ್ಜೆಲ್, ಎದರ್, ಜಾಗುರ್, 22 ಕಿನಾ, ದಿಮೊನಾ, ಅದದ್, 23 ಕೆದೆಶ್, ಹಾಜೊರ್, ಇತ್ನಾನ್, 24 ಜಿಪ್, ಟಲಮ್, ಬಯಾಲೊತ್, 25 ಹಾಜೊರ್ ಹತ್ತಾ, ಕೆರಿಯೊತ್ ಹಾಜರೊನ್, ನಾತರ್ ಹಾಜೊರ್, 26 ಅಮಾಮ್, ಶೆಮ್, ಮೊಲಾಹ್ದಾ, 27 ಹಚರ್ ಗದ್ದಾ, ಹೆಶ್ಮೊನ್, ಬೆತ್ಪೆಲೆಟ್, 28 ಹಚರಕ್ಷುಲ್, ಬೆರ್ಶೆಬ್, ಬಿಜ್ಯೊತ್ಯಾ, 29 ಬಾಲಾ, ಇಯ್ಯಿಮ್, ಎಜೆಮ್, 30 ಎಲ್ಟೊಲದ್, ಕೆಸಿಲ್, ಹೊರ್ಮಾ, 31 ಚಿಕ್ಲಗ್, ಮದ್ಮನ್ನಾ, ಸನ್ಸನ್ನಾ, 32 ಲೆಬಾವೊತ್, ಶಿಲ್ಹಿಮ್, ಅಯಿನ್ ಅನಿ ರಿಮ್ಮೊನ್ ಮನ್ತಲಿ ವಿಸಾರ್ ನ್ಹವ್ ಶಾರಾ ಅನಿ ತೆಂಚಿ ಗಾಂವಾ. 33 ಉತಾರ್ ಜಾಗ್ಯಾರ್, ಎಸ್ಟಾವೊಲ್, ಜೊರ್ಗಾ, ಅಸ್ನಾ, 34 ಜನೊಹ್, ಎಂಗನ್ನಿಮ್, ತಪ್ಪುಹ್, ಎನಾಮ್, 35 ಜಮುರ್ತ್, ಅದುಲ್ಲಾಮ್, ಸೊಕೊ, ಅಜೆಕಾ, 36 ಶಾರಯಿಮ್, ಅದಿತಯಿಮ್, ಗೆದೆರಾ, ಅನಿ ಗೆದೆರೊತಯಿಮ್, ಮನ್ತಲಿ ಚವ್ದಾ ಶಾರಾ ಅನಿ ತೆಂಚಿ ಗಾಂವಾ. 37 ಚೆನಾನ್, ಹದಶ್ಯಾ, ಮಿಗ್ದಲಾದ್, 38 ದಿಲಾನ್, ಮಿಜ್ಪಾ, ಜೊಕ್ತಿಲ್, 39 ಲಾಕಿಶ್, ಬೊಚ್ಕತ್, ಎಗ್ಲೊನ್, 40 ಕಬ್ಬೊನ್, ಲಹ್ಮನ್, ಕಿತ್ಲಿಶ್, 41 ಗೆದೆರೊತ್, ಬೆತ್ ಗಾದೊನ್, ನಾಮಾ ಅನಿ ಮಕ್ಕದ್ ಮನ್ತಲಿ ಸೊಳಾ ಶಾರಾ ಅನಿ ತೆಂಚಿ ಗಾಂವಾ. 42 ಲಿಬ್ನಾ, ಎತೆರ್, ಆಶಾನ್, 43 ಇಪ್ತಾಹ್, ಅಸ್ನಾ, ನೆಜಿಬ್, 44 ಕೆಯಿಲ್, ಅಕ್ಜಿಬ್, ಅನಿ ಮಾರಶಾ ಮನ್ತಲಿ ನ್ಹವ್ ಶಾರಾ ಅನಿ ತೆಂಚಿ ಗಾಂವಾ. 45 ಎಕ್ರೊನ್ ಘರಾನಾಚ್ಯಾಂಚೊ ಜಾಗೊ ಅನಿ ತೆಕಾ ಸಮಂದ್ ಪಡಲ್ಲಿ ಗಾಂವಾ ಅನಿ ಶಾರಾ. 46 ಎಕ್ರೊನಿಕ್ನಾ ಸಮುಂದರಾ ಪತರ್ಲಿ ಅಶ್ಡೊದಿಚ್ಯಾ ಜಗ್ಗೊಳ್ ಹೊತ್ತಿ ಸಗ್ಳಿ ಶಾರಾ ಅನಿ ಗಾಂವಾ, 47 ಅಶ್ಡೊದ್ ಜಾಗೊ ಅನಿ ತೆಚಿ ಗಾಂವಾ ಅನಿ ಶಾರಾ, ಗಾಜಾ ಆಸ್ತಿ, ಇಜಿಪ್ತ್ ನ್ಹಯಿಚ್ಯಾ ಉತ್ತರ್ ದಿಕ್ಕಾಕ್ ಅನಿ ಮೊಟ್ಟ್ಯಾ ಸಮುಂದರಾಚ್ಯಾ ದಂಡೆರ್ ಹೊತ್ತಿ ಸಗ್ಳಿ ಗಾಂವಾ ಅನಿ ತೆಂಚಿ ಶಾರಾ, 48 ಮಡ್ಡಿಚ್ಯಾ ವೈಲ್ಯಾ ಜಾಗ್ಯಾಚೆ, ಶಾಮಿರ್, ಜತ್ತಿರ್, ಸೊಕೊ, 49 ದನ್ನಾ, ಕಿರ್ಯಾತ್ ಸನ್ನಾ ನಾತರ್ ದೆಬಿರ್, 50 ಅನಾಬ್, ಎಶ್ಟೊಮ್, ಆನಿಮ್, 51 ಗೊಶೆನ್, ಹೊಲೊನ್, ಅನಿ ಗಿಲೊ ಮನ್ತಲಿ ಆಕ್ರಾ ಗಾಂವಾ ಅನಿ ತೆಂಚಿ ಶಾರಾ. 52 ಅರಬ್, ದುಮಾ, ಎಶಾನ್, 53 ಜಾನುಮ್, ಬೆತ್ ತಪ್ಪುಹ, ಅಫೆಕಾ, 54 ಹುಮ್ಟಾ, ಹೆಬ್ರೊನ್ ಮನ್ತಲೆ ಕಿರ್ಯತ್ ಅರ್ಬ್ ಅನಿ ಜಿಯೊರ್ ಮನ್ತಲಿ ನ್ಹವ್ ಶಾರಾ ಅನಿ ತೆಂಚಿ ಗಾಂವಾ. 55 ಮಾವೊನ್, ಕರ್ಮೆಲ್, ಜಿಫ್, ಜುಟ್ಟಾ, 56 ಜೆಜ್ರೆಯೆಲ್, ಜೊಕ್ದಮ್, ಜಾನೊಹ್, 57 ಕಯಿನ್, ಗಿಬ್ಬೆಯಾ, ತಿಮ್ನಾ ಮನ್ತಲಿ ಧಾ ಶಾರಾ ಅನಿ ತೆಂಚಿ ಗಾಂವಾ. 58 ಹಲ್ಹುಲ್, ಬೆತ್ ಚುರ್, ಗೆದೊರ್, 59 ಮಾರಾತ್, ಬೆತ್ ನೊತ್, ಎಲ್ಟೆಕೊನ್ ಮನ್ತಲಿ ಸಾ ಶಾರಾ ಅನಿ ತೆಂಚಿ ಗಾಂವಾ, 60 ಕಿರ್ಯಾತಯಿಮ್ ಮನ್ತಲೆ ಕಿರ್ಯಾತ್ ಬಾಳ್ ಅನಿ ರಬ್ಬಾ ಮನ್ತಲಿ ದೊನ್ ಶಾರಾ ಅನಿ ತೆಂಚಿ ಗಾಂವಾ. 61 ಡಂಗ್ಳಿತ್ಲೆ ಬೆತ್ ಆರಾಬ್, ಮಿದ್ದಿನ್, ಸೆಕಾಕ್, 62 ನಿಬ್ಷಾನ್, ಮಿಟ್ಟಾಚೆ ಶಾರ್, ಅನಿ ಎಂಗೆದಿ ಮನ್ತಲೆ ಸಾ ಶಾರಾ ಅನಿ ತೆಂಚಿ ಗಾಂವಾ. 63 ಖರೆ ಜರುಜಲೆಮಾತ್ ವಸ್ತಿ ಹೊತ್ತ್ಯಾ ಜುಬುಸಿಯಾಕ್ನಿ ಜುದೆವಾಂಚ್ಯಾಕ್ನಾ ಪಳ್ಸುಕ್ ಹೊವ್ಕ್ ನಾ, ತಸೆ ಹೊವ್ನ್ ತೆನಿ ಜುದೆವಾಂಚ್ಯಾ ವಾಂಗ್ಡಾ ಜರುಜಲೆಮಾತುಚ್ ಅಜುನ್ಬಿ ವಸ್ತಿ ಹಾತ್.