JONI 20

Jesu wabonekela ku bashichiiya bakwe

19 Kumangolezha, buzuba bwakutaanguna mu Nsondo bweenka ubo bashichiiya kabali antomwi, a milyango ya ng’anda kaikkilwe nkambo bakalinga kutija bamasololi baba Juuda. Ono Jesu wakashika, waima akati kabo wakabaambila ati, "Luumuno lube andimwe." 20 Nakamana kwaamba chechi, wakabatondezha maanza akwe alubazu lwakwe. Abobo bashichiiya bakakomana nibakabona Mwami wabo. 21 Alimwi Jesu wakabaambila ati, "Lumuno lube andimwe. Bweenka Taata mbwakantuma anshi aano, andime ndamutuma." 22 Nakamana boo kwaamba, wakabayoyela Muuya, wakaamba ati, "Amutambule Muuya Usalala. 23 Naa mwalekelela bantu zhinyonyono, balalekelelwa, naa mwabula kubalekelela, tabalekelelwi."