Daniel 1

A tarai Daniya a̱ tyo Babila

1 A̱tsuma̱ a aa’wan a ta’atsu o tsugono tsa Jehoyakim mogono ma Yahuda, Nebukanaza mogono ma Babila ma̱ ta̱wa̱ ta̱ Urishelima a̱vu u ka̱nda̱ruwa̱ yi nu uvon. 2 Reve A̱sulazuva a ca Jehoyakim mogono ma Yahuda e ekere a̱ yi oɓolo ni itana ya̱ A̱a̱’isamapaɗa a̱ A̱sula̱. Reve u pura̱ le a̱ tyo a̱ a̱a̱’isa̱ a̱ ma̱sula̱ ma̱ yi e iɗa ya Shina*1:2 Shina a̱yi ɗa aala o ro a Babila., reve u zuwa le o uzuwata wa̱ a̱a̱’isa̱ a̱ ma̱sula̱ ma̱ yi.

3 Reve mogono’o ma zuwa Ashpenaza, zagbain va azagbain a̱ yi u ta̱wa̱a̱ na aza a Isra’ila o ro diga o umatsun u tsugono na̱ wa azagbain, 4 olobo a na a̱ ri usa̱du shi, ulobonu wa̱ a̱ka̱nla̱ aza a na a̱ ri nu urevu nu uguru wu ulinga suru aza a na o ritoi lon. Olobo’o aza a na a̱ ri na̱ ma̱puna̱ ma na ee reve ili go’o, waru a ntsayi a yuwan a̱ga̱nda̱ o ukobu u mogono. O roco le elentsu ni iɗana ya aza a Babila. 5 Mogono ma zuwaa le ta̱ akunda e ilyalya i le na̱ masayan mo urana suru a̱tsuma̱ e ilyalya ya̱ yi. O to rito le a’wan a ta’atsu, reve no o koto e reme ulinga u mogono.

6 A̱tsuma̱ e le aza a Yahuda a̱ shi ta̱ pe: Daniya na̱ Hananiya na̱ Mishel na̱ Azariya.