1 Apa ala o gundo na e gerei na ala. A̱ nge'en mu ugana, ugundo wa Dan u ta̱ tsura̱ akunda a̱ ta̱ a agadu a̱ yi. Utyo wa̱ yi u kuru ta̱ ure wa Hetilon a̱ tyo Lebo Hama, reve u ka̱ra̱ a̱ tyo Haza Ena o utyo wa Dimaska na̱ Hamat upasu wu ugana. Utyo wa Dan u reme diga asana a̱ tyo a̱livu o uta̱la̱i iɗa ya Isra'ila.

2 O tono utyo wa Dan, ugundo wa Asha u ta̱ tsura̱ akunda a̱ ta̱ a agadu a̱ yi. Utyo u te reme diga asana a̱ tyo a̱livu. 3 Ugundo wa Nafutali u ta̱ tsura̱ akunda a̱ ta̱ a agadu a̱ yi. Utyo'o u te reme diga asana a̱ tyo a̱livu. a̱ ta̱ tsura̱ akunda a agadu e le 4 Ugundo wa Manase u ta̱ tsura̱ akunda a̱ ta̱ a agadu a̱ yi. Utyo'o u te reme diga asana a̱ tyo a̱livu. 5 Ugundo wa Ifiramu u ta̱ tsura̱ akunda a̱ ta̱ a agadu a̱ yi. Utyo'o u te reme diga asana a̱ tyo a̱livu. 6 Ugundo wa̱ Roben u ta̱ tsura̱ akunda a̱ ta̱ a agadu a̱ yi. Utyo'o u te reme diga asana a̱ tyo a̱livu. 7 Ugundo wa Yahuza u ta̱ tsura̱ akunda a̱ ta̱ a agadu a̱ yi. Utyo'o u te reme diga asana a̱ tyo a̱livu.

8 <<O tono utyo wa Yahuda, diga asana a̱ tyo a̱livu, u to o'wo akunda a na aa tawa la̱nga̱. Washin wa̱ yi u ta̱ da̱na̱ udasu ukpakukupa ushin nu ukpakukupa uton (25,000), uga'an wa̱ yi u da̱na̱ una̱ta̱ na akunda o ugundo u ta̱ za na ri a̱ tyo upasu wa asana na̱ a̱livu. A̱a̱'a̱isa̱'a̱ a̱ ta̱ da̱na̱ e memere ma pasu'u.

9 <<Upasu u na aa tawaa A̱sulazuva la̱nga̱, uga'an wa̱ yi u ta̱ da̱na̱ udasu ukpakukupa ushin nu ukpakukupa uton (25,000), washin wa̱ yi u da̱na̱ udasu ukpakukupa kupa (10,000). 10 A̱yi uba̱ta̱ u nda a̱yi ɗa woo o'wo uba̱ta̱ u na a tawai la̱nga̱ adama a nan ganu. Uga'an wa̱ yi upasu wu ugana u to o'wo udasu ukpakukupa ushin nu ukpakukupa uton (25,000), washin wa̱ yi upasu wa̱ a̱livu u da̱na̱ udasu ukpakukupa kupa (10,000). Upasu wa asana waru washin wa̱ yi u da̱na̱ udasu ukpakukupa kupa (10,000). Upasu wu uyagi waru uga'an wa̱ yi u da̱na̱ udasu ukpakukupa ushin nu ukpakukupa uton (25,000). E memere ma̱ yi u to o'wo a̱a̱'isa̱ a̱ A̱sulazuva. 11 A̱yi nda u to o'wo uba̱ta̱ wa akiza a nan ganu, umatsun wa Saduku, aza a na a yuwaan numu a̱ga̱nda̱ a̱tsuma̱ a̱ a̱ɓula̱ waru a lyawa mu shi tsa na nan Levi a yuwain ana aza a Isra'ila a lyawa numu. 12 U to o'wo akunda e le la̱nga̱ upasu u na a tawai na akiza, upasu u na u la'ai akiza o tono akunda a nan Levi. 13 O tono upasu u nan ganu, nan Levi a̱ ta̱ tsura̱ akunda a agadu e le. Uga'an wa̱ yi u ta rawa udasu ukpakukupa ushin nu ukpakukupa uton (25,000), washin wa̱ yi waru udasu ukpakukupa kupa (10,000). Uga'an wa̱ yi suru suru u te reme udasu ukpakukupa ushin nu ukpakukupa uton (25,000). Washin wa̱ yi waru udasu ukpakukupa kupa (10,000). 14 Aa wina ko a kita'awa upasu u ro wa̱ yi shi. Uba̱ta̱ u nda a̱yi ɗa iɗa i na i la'ai ulobonu waa uwa e ekere a za o ro shi, adama a na u ta̱ na akiza e ekere a̱ A̱sulazuva.

15 <<Akapi o uba̱ta̱ u na u buwai washin wa̱ yi udasu ukpakukupa uton (5,000), uga'an wa̱ yi u da̱na̱ udasu ukpakukupa ushin nu ukpakukupa uton (25,000), u to o'wo adama ama a yuwusan ulinga na̱ a̱yi uba̱ta̱ wu nden nu uba̱ta̱ wa alyuna. U ta̱ da̱na̱ na̱ a̱ba̱jini a̱ lyuci e memere ma̱ yi. 16 Apa cine lyuci'i wa̱a̱ da̱na̱ mgbain. Upasu wu ugana u da̱na̱ udasu ukpakukupa una̱shi nu ukpaku uton (4,500), upasu wu uyagi udasu ukpakukupa una̱shi nu ukpaku uton (4,500), upasu wa asana udasu ukpakukupa una̱shi nu ukpaku uton (4,500) upasu wa̱ a̱livu, udasu ukpakukupa una̱shi nu ukpaku uton (4,500). 17 Upasu wa alyuna lyuci'i u ta̱ da̱na̱, upasu wu ugana udasu ukpakure na̱ kupoton (250), upasu wu uyagi udasu ukpakure na̱ kupoton (250), upasu wa asana udasu ukpakure na̱ kupoton (250), upasu wa̱ a̱livu waru udasu ukpakure na̱ kupoton (250). 18 Uba̱ta̱ u na u buwai uraɓatowu nu uba̱ta̱ wa akiza'a u to o'wo udasu ukpakukupa kupa (10,000) asana na̱ a̱livu. Ilyalya i na a̱a̱ tsura̱ pe u to o'wo adama a nlingata a na a yuwusan pe ulinga a̱tsuma̱ a̱ lyuci'i. 19 Nlingata a̱ lyuci'i a na aa cimba yi a̱ to uta̱ diga o gundo va aza a Isra'ila suru. 20 Uba̱ta̱ u na a tawai la̱nga̱'a̱ suru u da̱na̱ udasu ukpakukupa ushin nu ukpakukupa uton (25,000) a pasu vu nge'en n na̱shi'i suru. A̱yi upasu u na a tawai u to o'wo upasu u la̱nga̱ oɓolo nu upasu u lyuci.

21 <<Ili i na i buwai gba a pasu na a tawai a pasu'u suru oɓolo nu upasu u lyuci o to o'wo za mogono. U te reme a̱tyo asana diga uba̱ta̱ u na u ri na udasu ukpakukupa ushin nu ukpakukupa uton (25,000) wa akiza a̱ tyo o utyo upasu wa asana wi iɗa'a. Ne ɗa waru a̱ tyo a̱livu uba̱ta̱ u na u ri na udasu ukpakukupa ushin nu ukpakukupa uton (25,000) a̱ tyo utyo wa̱ a̱livu. Ba̱ta̱ re nda suru aza a na a̱ kuruyi pasu vu gundo o to o'wo za mogono. Upasa u na a tawai na akiza oɓolo na̱ A̱a̱'isamapaɗa'a u to o'wo e memere me le. 22 Upasu wu ugundo wa̱ Levi nu upasu u lyuci o to o'wo e memere mo upasu u mogono. Upasu u mogono u to o'wo e memere mo upasu wu ugundo wa Yahuza oɓolo nu upasu wu ugundo wa Banyami.

23 <<Apa cine ee ne'eshen akapi o gundo akunda e le: Ugundo wa Banyami u ta̱ na akunda a̱ ta̱. Utyo wa̱ yi u te reme diga asana a̱ tyo a̱livu. 24 O tono utyo wa Banyami, ugundo wa Saminu u da̱na̱ ta̱ lo na akunda. Utyo wa̱ yi u te reme diga asana a̱ tyo a̱livu. 25 O tono ugundo wa Isaka u ta̱ da̱na̱ na akunda a̱ ta̱. Utyo wa̱ yi u te reme diga asana a̱ tyo a̱livu. 26 O tono Zebulun ta̱ da̱na̱ na akunda a̱ ta̱. Utyo wa̱ yi u te reme diga asana a̱ tyo a̱livu. 27 O tono Gadu ta̱ da̱na̱ na akunda a̱ ta̱. Utyo wa̱ yi u te reme diga asana a̱ tyo a̱livu. 28 Utyo wu uyagi wa Gadu u te reme uyagi diga Tamar a̱ tyo mini ma Meriba Kedesh, diga ɗe reve u kuru nu Uɗolu wa Masar a̱ tyo Mala ma Gbain.

29 <<Apa iɗa i na ee ne'eshen tsa agadu a̱tsuma̱ o ugundo wa Isra'ila. A̱yi ɗa woo o'wo le akunda e le. A̱sulazuva Zagbain ɗa dammai ne.>>

30 Apa na̱ntsu mota̱a̱ lyuci'i: Diga o upasu wu ugana za na ri udasu ukpakukupa una̱shi nu ukpakuton (4,500), 31 na̱ntsu ta'atsu ta̱ da̱na̱ lo, una̱ntsu u ta̱ biti na aala a̱ ta̱ o gundo va Isra'ila. Una̱ntsu u ta̱ na aala o ugundo wa̱ Roben, za ta̱ waru na aala o ugundo wa Yahuza. Reve waru a zuwaa za ta̱ na aala o ugundo wa̱ Levi.

32 <<Diga upasu wa asana za na ri udasu ukpakukupa una̱shi nu ukpakuton (4,500), a ta zuwa na̱ntsu ta'atsu. Una̱ntsu u ta̱ na aala o ugundo wa̱ Isuhu, za ta̱ waru na aala o ugundo wa Banyami, za ta̱ gba na aala o ugundo wa Dan.

33 <<O upasu wu uyagi, za na ri na udasu ukpakukupa una̱shi nu ukpakuton (4,500), u ta̱ da̱na̱ na̱ na̱ntsu ta'atsu. Apa cine a zuwa ala'a. O una̱ntsu u ta̱ a ta zuwa aala a̱ Saminu, a za ta̱ a zuwa aala a Isaka reve o koso zuwa a za ta̱ aala o ugundo wa̱ Zebulun.

34 <<O upasu wa̱ a̱livu, za na ri na udasu ukpakukupa una̱shi nu ukpakuton (4,500), a ta yuwan na̱ntsu ta'atsu, una̱ntsu u ta̱ u ta̱ da̱na̱ na aala o ugundo wa Gadu, za ta̱ na ala o ugundo wa Asha, reve za ta̱ da̱na̱ na aala o ugundo wa Nafutali. 35 Udasu wu uka̱nda̱ruwu u lyuci'i suru suru u to o'wo ukpakukupa kupa nu ukpakukupa kunla̱ (18,000). Diga urana u ndolo, aala a̱ lyuci'i u to o'wo, <A̱sulazuva O Ta̱ Lo.> >>