Yoani 20

Yesʉ ahʉlʉkɨra abɨga bʉwe

19 Omw’igolo ly’ekɨro kɨsha-kɨsha ky’eyenga ekyo, abɨga mobahindana mʉ nyʉmba n’esonyuyi saro mosakɨngwa, kʉshangwa babyaga ni bubahire abakʉlʉ b’aBayuta. Aho n’aho Yesʉ mwahʉlʉkɨrabo n’imana mo kathi k’abo. Mwabwɨrabo athɨ: «Obʉholo bubye hagʉma nemwe!» 20 Abere amamala ɨnegena ebyo, mwakangyabo ebɨganza bɨwe n’olʉkanga lʉwe. Aho abɨga mobamoga babere bashʉnga Nyinya-kowethʉ. 21 Yesʉ mwashʉba bwɨrabo athɨ: «Bʉholo kw’imwe! Nga ko Thatha anyɨthʉmaga, nangye kuthyo nyamabathʉma.» 22 Abere amamala ɨnegena ebɨnwa ebyo, mwabʉha kʉbo n’ɨbwɨrabo athɨ: «Mwangɨrɨre oMʉthɨma Mwerʉ. 23 Abandʉ boshi mwandaganyɨra ebɨtsɨbʉ, bandaganyɨrwa. N’aboshi mʉthɨndaganyɨre bathɨndaganyɨrwe*20:23 Lingania na Mat 16:19; 18:18..»