15 Honyuma kw’aho, Yesʉ mwabwɨra abandʉ boshi athɨ: «Ohe! Mʉgende omuyitheya ko ngʉmbʉ s’obushoki. Kʉshangwa obʉyɨngo bw’omʉndʉ bʉthalɨ mo bʉngɨ bw’obushoki bʉwe na mwangabya mushoki kʉtsɨbʉ.»
16 Aho Yesʉ mwatsɨrabo mushinga athɨ: «Kwabyaga mushoki mʉgʉma abyaga awithe mashwa ʉwe. Amashwa ayo mweramo mɨaka mɨngɨ. 17 Omushoki oyo mwathanga ɨganɨtsya n’ɨyɨbʉtsya athɨ: "Nyayɨra nyɨthɨ kwenzi? Emyaka aye yoshi eyi ndakiwithe ho nyahiraro!" 18 Aho mwanegena athɨ: "Nyithya ko nyayɨra: nyahimbula esombʉpʉ saye, n’ɨshʉba himba sɨndɨ nene nene. N’omo mbʉpʉ etho monyandahira engano aye yoshi n’obʉndɨ bushoki bwaye. 19 Honyuma kw’aho, nyandayɨbwɨra nyɨthɨ: ‘Ingye nyamayɨbɨkɨra bushoki bʉngɨ bo bwandamala mɨaka mɨngɨ. Aho nyangalʉhʉka, kʉshangwa nyirye, nyɨshome na nyɨmoge!’"»
20 «Hewethuwe Gongo mwamʉbwɨra athɨ: "Ɨwe mʉndʉ kahʉmo! Mo kɨro kya munobwire wafwa. Aho obushoki bwawe bwoshi bo wamalire ɨyɨbɨkɨra bwandabya bwa ndɨ?"»
21 Yesʉ mwashʉba negena athɨ: «Ekyo kyo kinahikira omʉndʉ yo unashondya ɨyɨthʉndɨra bushoki bʉngɨ, hewethuwe athalɨ mushoki embere sa Gongo.»
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)