AGBà1

Kumɛgɔ I Agbã Ɔfɔ Kuɣa

1 Israel igara David ɔbibirɛrɛĩ, Solomon iwola agbã i ngbe ne:

2 Wã nsɛ atã ɔturi ɔtsue iwola fiɛ ɔsɛ ɔna ikpadzɛ̃;

asɛ atã ɔturi karɔ̃inɔ i atɔ̃me wa lowodoro ame.

3 Asɛ atã ɔturi ɔna ikpadzɛ̃ fiɛ ɔsɛ ɔsɛ ngbã sɛɛ,

ɔbara nnɛ nlɛ fiɛ iya gu i ɔri iso.

4 Asɛ ate ɔturi wɔ loinya kayi ame inɔkpa gu ikososo,

fiɛ asɛ abara makoso manya ara maɖiite gu mma losɛ iti ame.

5 Mitã kawolai si ɔkã atsue si ɔsu ɔbua i nwa ɔto ɔsuã iso

si nwɔ nsɛ ɔnya ara ɔɖiite si ɔna kuka -

6 gɔ ɔ̃atsue agbã, agbã ipɛ,

simai gu adzolo karɔ̃.

Kuka Kutã Makoso

7 Bosate kunigã nɖe inɔkpa karɔ̃isɛ,

ɣɛɛ madzunisɛĩ sɛ manyɔ iwola gu ikpadzɛ̃ pupurii.