नया नगर
30 "नगर के फाटक ये हों, यानिके उत्तर की ओड़ जिसकी लम्बाई च्यार हजार पाँच सौ बाँस की हो। 31 उस म्ह तीन फाटक हों, यानिके एक रूबेन का फाटक, एक यहूदा का फाटक, अर एक लेवी का फाटक हो; क्यूँके नगर के फाटकां के नाम इस्राएल के गोत्रां के नाम्मां पै धरणे होवैंगे। 32 पूरब की ओड़ हद च्यार हजार पाँच सौ बाँस लाम्बी हो, अर उस म्ह तीन फाटक हों; यानिके एक यूसुफ का फाटक, एक बिन्यामीन का फाटक, अर एक दान का फाटक हो। 33 दक्षिण की ओड़ हद च्यार हजार पाँच सौ बाँस लाम्बी हो, अर उस म्ह तीन फाटक हों; यानिके एक शिमोन का फाटक, एक इस्साकार का फाटक, अर एक जबूलून का फाटक हो। 34 अर पश्चिम की ओड़ हद च्यार हजार पाँच सौ बाँस लाम्बी हो, अर उस म्ह तीन फाटक हों; यानिके एक गाद का फाटक, एक आशेर का फाटक अर नप्ताली का फाटक हो।