1 याकूबो रे बारा पाऊ ऊए: मतलब रूबेन, शिमोन, लेवी, यहूदा, इस्साकार, जबूलून, 2 दान, यूसुफ, बिन्यामीन, नप्ताली, गाद ओर आशेर।

3 यहूदा रे जो पाऊ ऊए सेयो एर, ओनान ओर शेला, तेसरे यो तीनो पाऊ, शूआ नाओं री एकी कनानी जवाणसा री बेटिया ते पैदा ऊए। ओर यहूदा रा जेठा पाऊ एर, यहोवे री नजरा रे बुरा था, इजी बजा ते तिने से काई ता। 4 यहूदा री बऊ तामारा ते पेरेस ओर जेरह ऊए। यहूदा रे कुल पाँज पाऊ ऊए। 5 पेरेसो रे पाऊ हेस्रोन ओर हामूल ऊए। 6 ओर जेरह रे पाऊ जिम्री, एतान, हेमान, कलकोल ओर दारा, सारे मिलाई की पाँज पाऊ ऊए। 7 फेर कर्मीए रा पाऊ आकार ऊआ जिने परमेशरो खे चढ़ाई री चीजा ते विश्वासघात करी की इस्राएली लोका खे कष्ट देणे रा काम कित्तेया। 8 ओर एतानो रा पाऊ अजर्याह था। 9 हेस्रोनो रे जो तीन पाऊ ऊए सेयो यरहमेल, राम ओर कलूबै थे।* 10 ओर रामो ते अम्मीनादाब ओर अम्मीनादाबो ते नहशोन ऊआ जो यहूदिया रा परदान बणेया। 11 ओर नहशोनो ते सल्मा ओर सल्मा ते बोअज; 12 ओर बोअज ते ओबेद ओर ओबेद ते यिशै ऊआ।* 13 ओर यिशै ते तेसरा जेठा एलीआब ओर दूजा अबीनादाब, तीजा शिमा, 14 चौथा नतनेल ओर पाँजुआ रद्दैं। 15 छठा, ओसेम ओर सातुआ दाऊद ऊआ।* 16 इना री बईणा सरूयाह ओर अबीगैल थिया। ओर सरूयाह रे पाऊ अबीशै, योआब ओर असाहेल यो तीन ऊए। 17 ओर अबीगैला ते अमासा पैदा ऊआ ओर अमासा रा बाओ येतेर इश्माएली वंशो रा था।

18 हेस्रोनो रे पाऊ कालेबो री अजूबा नाओं री एक जवाणसा ते ओर यरीओत ते पाऊ ऊए सेयो यो ए; मतलब येशेर, शोबाब ओर अर्दोन। 19 जेबे अजूबा मरी गी, तेबे कालेबे एप्राता साथे ब्या करी ला ओर जेसा ते हूर पैदा ऊआ। 20 ओर हूर ते ऊरी ओर ऊरी ते बसलेल पैदा ऊआ। 21 इजी ते बाद हेस्रोन गिलाद रे बाओ माकीर री बेटिया गे गया, जो तिने तेबे ब्याई ली, जेबे से साठा साला रा था ओर तेसा ते सगूब पैदा ऊआ। 22 ओर सगूब ते याईर जम्मेया, जेसरे गिलाद इलाके दे तेई शईर थे। 23 ओर गशूर ओर अरामे याईरो री बस्तिया खे गाँवो समेत कनात शईर तेसते लई ला; यो सारे शईर मिलाई की साठ थे। यो सब गिलादो रे बाओ माकीरो रे पाऊ थे। 24 ओर जेबे हेस्रोन शईरो रा कालेब एप्राता दे मरी गा, तेबे तेसरी अबिय्याह नाओं री जवाणसा ते अशहूर पैदा ऊआ, अशहूर तको रा बाओ ऊआ।

25 ओर हेस्रोनो रे जेठे पाऊ यरहमेलो रे यो पाऊ ऊए, मतलब राम जो तेसरा जेठा पाऊ था ओर बूना, ओरेन, ओसेम ओर अहिय्याह। 26 ओर यरहमेल री एक ओर लाड़ी थी, जेसा रा नाओं अतारा था; से ओनाम री माये थी। 27 ओर यरहमेलो रे जेठे पाऊ रामो रे यो पाऊ थे मतलब मास, यामीन ओर एकेर। 28 ओर ओनामो रे पाऊ शम्मै ओर यादा ऊए। ओर शम्मै रे पाऊ नादाब ओर अबीशूर थे। 29 ओर अबीशूरो री लाड़िया रा नाओं अबीहैल था ओर तेसा ते अहबान ओर मोलीद पैदा ऊए। 30 ओर नादाबो रे पाऊ सेलेद ओर अप्पैम ऊए; सेलेद तो बिना ल्वादा ते मरी गा। 31 ओर अप्पैमो रा पाऊ यिशी ओर यिशीए रा पाऊ शेशान ओर शेशानो रा पाऊ अहलै था। 32 फेर शम्मै रे पाई यादा रे पाऊ येतेर ओर योनातान ऊए; येतेर तो बिना ल्वादा ते मरी गा। 33 योनातानो रे पाऊ पेलेत ओर जाजा; यरहमेलो रे पाऊ यो ऊए। 34 शेशान रे पाऊ नि ऊआ, बस बेटिया ई ऊईया। शेशानो गे यर्हा नाओं रा एक मिस्री दास था। 35 ओर शेशाने तेस साथे आपणी बेटी यर्हा रा ब्या करी ता ओर तेसते अत्तै पैदा ऊआ। 36 ओर अत्तै ते नातान, नातानो ते जाबाद, 37 जाबादो ते एपलाल, एपलालो ते ओबेद, 38 ओबेदो ते येहू, येहूए ते अजर्याह, 39 अजर्याह ते हेलेस, हेलेसो ते एलासा, 40 एलासा ते सिस्मै, सिस्मै ते शल्लूम, 41 शल्लूमो ते यकम्याह ओर यकम्याह ते एलीशामा पैदा ऊए।

42 तेबे यरहमेलो रे छोटे पाई कालेबो रे यो पाऊ ऊए मतलब तेसरा जेठा पाऊ मेशा जो जीप रा बाओ था ओर मारेशा रा पाऊ हेब्रोन बी तेसरे ई कुलो रे ऊआ। 43 ओर हेब्रोन रे पाऊ कोरह, तप्पूह, रेकेम ओर शेमा। 44 ओर शेमा ते योर्काम रा बाओ रहम ओर रेकेम ते शम्मै पैदा ऊआ था। 45 ओर शम्मै रा पाऊ माओन ऊआ ओर माओन बेतसूरो रा बाओ ऊआ। 46 तेबे एपा जो कालेबो री रखैल थी, तेसा ते हारान, मोसा ओर गाजेज पैदा ऊए ओर हारान ते गाजेज पैदा ऊआ। 47 तेबे याहदै रे पाऊ रेगेम, योताम, गेशान, पेलेत, एपा ओर शाप। 48 ओर माका जो कालेब री रखैल थी, तेसा ते शेबेर ओर तिर्हाना पैदा ऊए। 49 तेबे तेसते मदमन्ना रा बाओ शाप ओर मकबेना ओर गिबा रा बाओ शवा पैदा ऊए। ओर कालेबो री बेटी अकसा थी। 50 कालेबो रे खानदानो दे यो ऊए। एप्राता रे जेठे पाऊ हूर रा पाऊ किर्यत्यारीम रा बाओ शोबाल, 51 बेतलेहम रा बाओ सल्मा ओर बेतगादेर रा बाओ हारेप। 52 ओर किर्यत्यारीमो रे बाओ शोबालो रे कुलो दे हारोए आदे लोक मनुहोतो दे रणे वाल़े थे, 53 ओर किर्यत्यारीमो रे कुल मतलब येतेरी, पूती, शूमाती ओर मिश्राई ओर इना ते सोराई ओर एशताओली निकल़े। 54 तेबे सल्मा रे कुलो दे बेतलेहम ओर नतोपाई, अत्रोतबेत्योआब ओर आदे मानहती, सोरी। 55 तेबे याबेस शईरो दे रणे वाल़े लिखणे वाल़े रे कुल, मतलब तिराती शिमाती ओर सूकाती ऊए। ये रेकाबो रे कराने रे मूलमर्द हम्मतो रे कुलो वाल़े केनी लोक ए।