1 इतिआस 6

लेविया रा खानदान

1 लेविये रे पाऊ गेर्शोन, कहात ओर मरारी ऊए। 2 ओर कहातो रे पाऊ अम्राम, यिसहार, हेब्रोन ओर उज्जीएल ऊए। 3 ओर अम्रामो रे पाऊ हारूण, मूसा ओर बेटी मरियम ऊए ओर हारूणो रे पाऊ नादाब, अबीहू, एलीआजार ओर ईतामार ऊए। 4 एलीआजारो ते पीनहास, पीनहासो ते अबीशू, 5 अबीशूए ते बुक्की, बुक्कीए ते उज्जी, 6 उज्जीए ते जरहयाह, जरहयाह ते मरायोत, 7 मरायोतो ते अमर्याह, अमर्याह ते अहीतूब, 8 अहीतूबो ते सादोक, सादोको ते अहीमास, 9 अहीमासो ते अजर्याह, अजर्याह, ते योहानान, 10 ओर योहानानो रा पाऊ अजर्याह था (जो सुलैमानो रे मईलो दे जो तिने यरूशलेम शईरो दे बणाया तिदे पुरोईतो रा काम करो थे)। 11 तेबे अजर्याह ते अमर्याह, अमर्याह ते अहीतूब, 12 अहीतूबो ते सादोक, सादोको ते शल्लूम, 13 शल्लूमो ते हिल्किय्याह, हिल्किय्याहो ते अजर्याह, 14 अजर्याहो ते सरायाह ओर सरायाह ते यहोसादाक पैदा ऊआ। 15 जेबे यहोवा यहूदा ओर यरूशलेम शईरो खे राजा नबूकदनेस्सरो रे जरीये बन्दुआ करी की लईगा, तेबे यहोसादाक बी बन्दुआ ऊई की गया।

लेविये रा खानदान

16 लेविये रे पाऊ गेर्शोम, कहात ओर मरारी थे। 17 ओर गेर्शोमो रे पाऊआ रे नाओं यो थे, मतलब लिब्नी ओर शिमी। 18 ओर कहातो रे पाऊ अम्राम, यिसहार, हेब्रोन ओर उज्जीएल ऊए। 19 ओर मरारिए रे पाऊ महली ओर मूशी ऊए। आपणे-आपणे पितरा रे कराने रे मुताबिक लेविया रे कुल यो ऊए। 20 मतलब गेर्शोमो रा पाऊ लिब्नी ऊआ, लिब्नीए रा पाऊ यहत, यहतो रा पाऊ जिम्मा। 21 जिम्मे रा पाऊ योआह, योआह रा पाऊ इद्दो, इद्दो रा पाऊ जेरह ओर जेरहो रा पाऊ यातरै ऊआ। 22 तेबे कहातो रा पाऊ अम्मीनादाब ऊआ अम्मीनादाबो रा पाऊ कोरह, कोरह रा पाऊ अस्सीर, 23 अस्सीरो रा पाऊ एलकाना, एल्काना रा पाऊ एब्यासाप, एब्यासापो रा पाऊ अस्सीर, 24 अस्सीरो रा पाऊ तहत, तहतो रा पाऊ ऊरीएल, ऊरीएलो रा पाऊ उजिय्याह ओर उजिय्याह रा पाऊ शाऊल था। 25 तेबे एल्काना रे पाऊ अमासै ओर अहीमोत ऊए। 26 एल्काना रा पाऊ सोपै, सोपै रा पाऊ नहत, 27 नहतो रा पाऊ एलीआब, एलीआबो रा पाऊ यरोहाम ओर यरोहामो रा पाऊ एल्काना ऊआ। 28 सेमुएलो रे बी दो पाऊ ऊए, जेठा पाऊ योएल ओर दूजा अबिय्याह ऊआ।

29 तेबे मरारिए रे पाऊ महली, महलीए रा पाऊ लिब्नी, लिब्नीये रा पाऊ शिमी, शिमिये रा पाऊ उज्जा। 30 उज्जे रा पाऊ शिमा; शिमा रा पाऊ हग्गिय्याह ओर हग्गिय्याह रा पाऊ असायाह था।

परमेशरो रे मन्दरो दे गीत गाणे वाल़े

31 तेबे जो राजा दाऊदे सन्दूको खे मईलो दे राखणे ते बाद यहोवे रे मन्दरो दे गाणे वाल़े अधिकारी ठराए, सेयो यो ए; 32 जदुओ तक सुलैमान यरूशलेम शईरो दे यहोवे रे मन्दरो खे बणाई नि चुकेया, तदुओ तक सेयो मिलणे वाल़े तम्बूए रे सामणे गाणे रे जरीये सेवा करो थे ओर एसा सेवा रे नियमो रे मुताबिक आजीर ओ थे। 33 जो आपणे-आपणे पाऊआ समेत आजीर ओ थे सेयो यो ए, मतलब कहातिया बीचा ते हेमान गाणे वाल़ा, जो योएलो रा पाऊ था ओर योएल शमूएलो रा, 34 शमूएल एल्काना रा, एल्काना यरोहामो रा, यरोहाम एलीएलो रा, एलीएल तोह रा, 35 तोह सूफो रा, सूफ एल्काना रा, एल्काना महतो रा, महत अमासै रा, 36 अमासै एल्काना रा, एल्काना योएलो रा योएल अजर्याह रा, अजर्याह सपन्याह रा, 37 सपन्याह तहतो रा, तहत अस्सीरो रा, अस्सीर एब्यासापो रा, एब्यासाप कोरह रा, 38 कोरह यिसहारो रा, यिसहार कहातो रा, कहात लेविये रा ओर लेवी इस्राएलो रा पाऊ था।

39 ओर तेसरा पाई आसाप जो तेसरे दाँणे कनारे खड़े ओ था से बेरेक्याह रा पाऊ था ओर बेरेक्याह शिमा रा, 40 शिमा मीकाएलो रा, मीकाएल बासेयाह रा, बासेयाह मल्किय्याह रा, 41 मल्किय्याह एत्नीए रा, एत्नी जेरह रा, जेरह अदायाह रा, 42 अदायाह एतानो रा, एतान जिम्मा रा, जिम्मा शिमीए रा, 43 शिमी यहतो रा, यहत गेर्शोमा रा, गेर्शोमा लेविये रा पाऊ था।

44 ओर खूँजी तरफा खे तिना रे पाई मरारी खड़े ओ थे, मतलब एतानो जो कीशीए रा पाऊ था, ओर कीशी अब्दीए रा, अब्दी मल्लूको रा, 45 मल्लूक हशब्याह रा, हशब्याह अमस्याह रा, अमस्याह हिल्किय्याह रा, 46 हिल्किय्याह अमसीये रा, अमसी बानीए रा, बानी शेमेरो रा, 47 शेमेर महलीए रा, महली मूशीए रा, मूशी मरारिए रा ओर मरारी लेविये रा पाऊ था; 48 ओर इना रे पाई जो लेविये थे सेयो परमेशरो रे मन्दरो रे हर प्रकारा री सेवा करने खे अर्पण कित्ते रे थे।

हारूणो रा खानदान

49 पर हारूण ओर तेसरे पाऊ होमबलिया री बेदी ओर तूपो री बेदी दुँईं पाँदे बलिदान चढ़ाओ थे ओर परम पवित्र जगा रा सारा काम करो थे ओर इस्राएली लोका खे प्राश्चित करो थे, जेड़ी की परमेशरो रे दास मूसे आज्ञा दित्ती थी। 50 ओर हारूणो रे कुलो दे यो ऊए: मतलब तेसरा पाऊ एलीआजार ऊआ ओर एलीआजारो रा पीनहास, पीनहासो रा अबीशू, 51 अबीशूए रा बुक्की, बुक्कीए रा उज्जी, उज्जीए रा जरहयाह, 52 जरहयाह रा मरायोत, मरायोतो रा अमर्याह, अमर्याह रा अहीतूब, 53 अहीतूबो रा सादोक ओर सादोको रा अहीमास पाऊ ऊआ।

लेविया री रणे री जगा

54 तिना रे इस्से रे तिना रे डेरेया रे मुताबिक तिना रिया बस्तिया यो ए, मतलब कहातो रे कुला बीचा ते पईली चिट्ठी जो हारूणो री ल्वादा रे नाओं पाँदे निकल़ी; 55 मतलब, चऊँ कनारली चराणे वाल़ी जगा समेत यहूदा प्रदेशो रा हेब्रोन शईर तिना खे मिलेया। 56 पर तेस शईरो रे डोरू ओर गाँवो यपुन्ने रे पाऊ कालेबो खे दित्ते। 57 ओर हारूणो री ल्वादा खे शरण शईर हेब्रोन ओर चराणे री जगा समेत लिब्ना ओर यत्तीर शईर ओर आपणी-आपणी चराणे री जगा समेत एशतमो; 58 आपणी-आपणी चराणे वाल़ी जगा समेत हीलेन ओर दबीर; 59 आशान ओर बेतशेमेश।

60 बिन्यामीनो रे गोत्रो बीचा ते आपणी-आपणी चराणे वाल़ी जगा समेत गिबोन, गेबा, आलेमेत ओर अनातोत शईर देईते। तिना रे कराने रे सारे शईर तेरा थे। 61 ओर बाकी कहातिया रे गोत्रो रे कुल, मतलब मनश्शे रे आदे गोत्रो बीचा ते चिट्ठी पाई की दस शईर दित्ते। 62 ओर गेर्शोमिया रे कुलो रे मुताबिक तिना खे इस्साकार, आशेर ओर नप्तालिया रे गोत्र ओर बाशानो दे रणे वाल़े मनश्शे रे गोत्रो बीचा ते तेरा शईर मिले।

63 मरारिया रे कुलो रे मुताबिक तिना खे रूबेन, गाद ओर जबूलूनो रे गोत्रो बीचा ते चिट्ठी पाई की बारा शईर दित्ते। 64 इस्राएलिये लेविया खे यो शईर चराणे वाल़ी जगा समेत दित्ते। 65 तिने यहूदी, शिमोनी ओर बिन्यामीनिया रे गोत्रो बीचा ते सेयो शईर पर्ची पाई की दित्ते, जिना रे नाओं ऊबे देई राखे। 66 ओर कहातिया रे कई कुला खे तिना रे इस्से रे शईर एप्रैमो रे गोत्रो बीचा ते मिले। 67 तेबे तिना खे आपणी-आपणी चराणे वाल़ी जगा समेत एप्रैमो रे पाह्ड़ी इलाके रा शकेम जो शरण शईर था, तेबे गेजेर, 68 योकमाम, बेथोरोन, 69 अय्यालोन ओर गत्रिम्मोन;

70 ओर मनश्शे रे आदे गोत्रो बीचा ते आपणी-आपणी चराणे वाल़ी जगा समेत आनेर ओर बिलाम बाकी कहातिया रे कुलो खे मिले।

71 तेबे गेर्शोमिया खे मनश्शे रे आदे गोत्रो रे कुलो बीचा ते तो आपणी-आपणी चराणे वाल़ी जगा समेत बाशानो रा गोलान ओर अशतारोत;

72 ओर इस्साकारो रे गोत्रो बीचा ते आपणी-आपणी चराणे वाल़ी जगा समेत कादेश, दाबरत, 73 रामोत ओर आनेम।

74 ओर आशेरो रे गोत्रो बीचा ते आपणी-आपणी चराणे वाल़ी जगा समेत मशाल, अब्दोन, 75 हूकोक ओर रहोब;

76 ओर नप्तालीए रे गोत्रो बीचा ते आपणी-आपणी चराणे वाल़ी जगा समेत गलील इलाके रा केदेश, हम्मोन ओर किर्यातैम शईर मिले।

77 फेर बाकी लेविया खे मतलब मरारिया खे जबूलूनो रे गोत्रो बीचा ते तो आपणी-आपणी चराणे वाल़ी जगा समेत रिम्मोन ओर ताबोर।

78 ओर यरीहो रे नेड़े री यरदन नदिया री पूर्वो री तरफा खे रूबेनो रे गोत्रो बीचा ते आपणी-आपणी चराणे वाल़ी जगा समेत जंगल़ो रा बेसेर, यहस, 79 कदेमोत ओर मेपात;

80 ओर गादो रे गोत्रो बीचा ते आपणी-आपणी चराणे वाल़ी जगा समेत गिलादो रा रामोत, महनैम, 81 हेशबोन ओर याजेर शईर दित्ते।