1 इतिआस 1

आदमो ते अब्राहमो तक री वंशावली

1 आदम शेतो रा बाओ था, ओर शेतो रे पाऊ एनोश; 2 तेसरे केनान, केनानो रे महललेल, महललेलो रे येरेद; 3 येरेदो रे हनोक, हनोको रे मतूशेलह, मतूशेलह रे लेमेक; 4 लेमेको रे नूह, नूह रे शेम, हाम ओर येपेत ऊए।*1:4 लूक. 3:36-38 5 येपेतो रे पाऊ गोमेर, मागोग, मादै, यावान, तूबल, मेशेक ओर तीरास ऊए। 6 गोमेरो रे पाऊ अश्कनज, दीपत ओर तोगर्मा ऊए। 7 यावानो रे पाऊ एलीशा, तर्शीश ओर कित्ती ओर रोदानी लोक थे। 8 हामो रे पाऊ कूश, मिस्रम, पूत ओर कनान थे। 9 कूशो रे पाऊ सबा, हवीला, सबता, रामाह ओर सब्तका थे। ओर रामाह रे पाऊ शेबा ओर ददान थे। 10 ओर कूशो रे निम्रोद ऊआ; तरतिया पाँदे पईला वीर सेई ऊआ। 11 ओर मिस्रमो रे लूदी, अनामी, लहाबी, नप्तूही, 12 पत्रूसी, कसलूही (जिना ते पलिश्ती ऊए) ओर कप्तोरी ऊए। 13 कनानो ते तेसरा जेठा सिदोन ओर हित्त, 14 ओर यबूसी, एमोरी, गिर्गाशी, 15 हिब्बी, अर्की, सीनी, 16 अर्वदी, समारी ओर हमाती पैदा ऊए। 17 शेमो रे पाऊ एलाम, अश्शूर, अर्पक्षद, लूद, अराम, ऊस, हूल, गेतेर ओर मेशेक थे। 18 ओर अर्पक्षदो रा पाऊ शेलह ओर शेलह रा पाऊ एबेर था। 19 एबेरो रे दो पाऊ ऊए: एकी रा नाओं पेलेग इजी बजा ते राखेया कि तेसरे दिना रे तरती बांडी थी ओर तेसरे पाईए रा नाओं योक्तान था। 20 ओर योक्तानो रे अल्मोदाद, शेलेप, हसर्मावेत, येरह, 21 हदोराम, ऊजाल, दिक्ला, 22 एबाल, अबीमाएल, शेबा, 23 ओपीर, हवीला ओर योबाब पैदा ऊए; यो सारे ई योक्तानो रे पाऊ थे। 24 शेम, अर्पक्षद, शेलह, 25 एबेर, पेलेग, रू, 26 सरूग, नाहोर, तेरह, 27 अब्राम, तेसखे ई अब्राहम बी बोलोए। 28 अब्राहमो रे पाऊ इसहाक ओर इश्माएल थे।

हाजिरा री ल्वाद

29 इना रा खानदान ये आ। इश्माएलो रा जेठा पाऊ नबायोत, तेबे केदार, अदबएल, मिबसाम, 30 मिश्मा, दूमा, मस्सा, हदद, तेमा, 31 यतूर, नापीश, केदमा। यो इश्माएलो रे पाऊ थे।

कतूरा री ल्वाद

32 तेबे कतूरा जो अब्राहमो री रखैल थी, तेसा रे यो पाऊ पैदा ऊए, मतलब तेसा ते जिम्रान, योक्षान, मदान, मिद्यान, यिशबाक ओर शूह। योक्षानो रे पाऊ शेबा ओर ददान थे। 33 ओर मिद्यानो रे पाऊ एपा, एपेर, हनोक, अबीदा ओर एल्दा थे। ये सब कतूरा रे वंशो रे ए।

सारा री ल्वाद

34 अब्राहमो ते इसहाक पैदा ऊआ। इसहाको रे दो पाऊ एसाव ओर इस्राएल ऊए।*1:34 मत्ती 1:2

एसावो रा खानदान

35 एसावो रे पाऊ एलीपज, रूएल, यूश, यालाम ओर कोरह थे। 36 एलीपजो रे पाऊ तेमान, ओमार, सपी, गाताम, कनज, तिम्ना ओर अमालेक थे। 37 रूएलो रे पाऊ नहत, जेरह, शम्मा ओर मिज्जा थे।

सेईरो रा खानदान

38 तेबे सेईरो रे पाऊ लोतान, शोबाल, सिबोन, अना, दीशोन, एसेर ओर दीशान थे। 39 ओर लोतानो रे पाऊ होरी ओर होमाम थे, ओर लोतानो री बईण तिम्ना थी। 40 शोबालो रे पाऊ अल्यान, मानहत, एबाल, शपी ओर ओनाम थे। ओर सिबोनो रे पाऊ अया ओर अना। 41 अना रा पाऊ दीशोन। ओर दीशोनो रे पाऊ हम्रान, एशबान, यित्रान ओर करान थे। 42 एसेरो रे पाऊ बिल्हान, जावान ओर याकान थे। ओर दीशानो रे पाऊ ऊस ओर अरान थे।

एदोमिया रे राजा

43 जेबे किने बी राजे इस्राएलो पाँदे राज नि करी राखेया था, तेबे एदोमो रे इलाके दे यो राजा ऊए, मतलब बोरो रा पाऊ बेला ओर तेसरी राजधानिया रा नाओं दिन्हाबा शईर था। 44 बेला रे मरने ते बाद, बोस्राई शईरो रा जेरह रा पाऊ योबाब तेसरी जगा पाँदे राजा बणेया। 45 ओर योबाबो रे मरने ते बाद, तेमानिया रे देशो रा हूशाम तेसरी जगा पाँदे राजा बणेया। 46 फेर हूशामो रे मरने ते बाद बददो रा पाऊ हदद तेसरी जगा पाँदे राजा बणेया, ये सेईए, जिने मिद्यानी मोआबो रे देशो दे काये ओर तेसरी राजधानिया रा नाओं अबीत शईर था। 47 ओर हददो रे मरने ते बाद, मस्रेकाई शईरो रा सम्ला तेसरी जगा पाँदे राजा बणेया। 48 तेबे सम्ला रे मरने ते बाद शाऊल, जो फरात नदिया रे कनारे पाँदले रहोबोत शईरो रा था, से तेसरी जगा पाँदे राजा बणेया। 49 ओर शाऊलो रे मरने ते बाद अकबोरो रा पाऊ बाल्हानान तेसरी जगा पाँदे राजा बणेया। 50 ओर बाल्हानानो रे मरने ते बाद हदद तेसरी जगा पाँदे राजा बणेया ओर तेसरी राजधानिया रा नाओं पाऊ शईर था, तेसरी लाड़िया रा नाओं महेतबेल था, जो मेज़ाहाबो री दोईती ओर मत्रेदो री बेटी थी। 51 तेबे राजा हदद मरी गा। फेर एदोमो रे परदान यो थे: मतलब परदान तिम्ना, परदान अल्वा, परदान यतेत, 52 परदान ओहोलीबामा, परदान एला, परदान पीनोन, 53 परदान कनज, परदान तेमान, परदान मिबसार, 54 परदान मग्दीएल ओर परदान ईराम। एदोमो रे यो परदान ऊए।