1 यो छे पाऊ दाऊदो ते हेब्रोन शईरो दे पैदा ऊए थे; मतलब, जेठा पाऊ अम्नोन, जो यिज्रेली अहीनोअमो ते पैदा ऊआ, दूजा दानिय्येल जो कर्मेली अबीगैल जवाणसा ते पैदा ऊआ। 2 तीजा अबशालोम जो गशूर शईरो रे राजा तल्मै री बेटी माका रा पाऊ था, चौथा अदोनिय्याह जो हग्गीता रा पाऊ था। 3 पाँजुआ शपत्याह जो अबीतलो ते ओर छठुआ यित्राम जो तेसरी जवाणस एग्ला ते पैदा ऊआ। 4 दाऊदो ते हेब्रोनो दे छे पाऊ पैदा ऊए ओर तेती तिने साढ़े साता साला तक राज कित्तेया ओर यरूशलेम शईरो दे तेत्ती साला तक राज कित्तेया।

5 यरूशलेम शईरो दे तेसरे यो पाऊ पैदा ऊए: मतलब शिमा, शोबाब, नातान ओर सुलैमान, यो चारो अम्मीएलो री बेटी बतशेबा ते पैदा ऊए। 6 ओर यिभार, एलीशामा एलीपेलेत, 7 नोगह, नेपेग, यापी, 8 एलीशामा, एल्यादा ओर एलीपेलेत, यो नौ पाऊ थे। 9 यो सारे दाऊदो रे पाऊ थे ओर इना खे छाडी की रखैलिया रे बी पाऊ थे ओर इना री बईण तामार थी।

10 तेबे सुलैमानो रा पाऊ रहूबियाम था; रहूबियामो ते अबिय्याह, अबिय्याह ते आसा, आसा ते यहोशापात, 11 यहोशापातो ते योराम, योरामो ते अहज्याह, अहज्याह ते योआश; 12 योआशो ते अमस्याह, अमस्याह ते अजर्याह, अजर्याह ते योताम; 13 योतामो ते आहाज, आहाजो ते हिजकिय्याह, हिजकिय्याहो ते मनश्शे; 14 मनश्शे ते आमोन ओर आमोनो ते योशिय्याह ऊआ।* 15 ओर योशिय्याह रे पाऊ तेसरा जेठा पाऊ योहानान, दूजा यहोयाकीम; तीजा सिदकिय्याह, चौथा शल्लूम। 16 यहोयाकीमो रा पाऊ यकोन्याह, एसरा पाऊ सिदकिय्याह।* 17 ओर यकोन्याह रा पाऊ अस्सीर, अस्सीरो रा पाऊ शालतीएल;* 18 ओर मल्कीराम, पदायाह, शेनस्सर, यकम्याह, होशामा ओर नदब्याह; 19 ओर पदायाह रे पाऊ जरूब्बाबेल ओर शिमी ऊए ओर जरूब्बाबेल रे पाऊ मशुल्लाम ओर हनन्याह थे, ओर तिना री बईण शलोमीत थी; 20 ओर हशूबा, ओहेल, बेरेक्याह, हसद्याह ओर यूशब-हेसेद, यो पाँज थे। 21 ओर हनन्याह रे पाऊ पलत्याह ओर यशायाह, यशायाह ते रपायाह, रपायाह रा पाऊ अर्नान, अर्नानो रा पाऊ ओबद्याह, ओबद्याह रा पाऊ शकन्याह। 22 ओर शकन्याह रा एक पाऊ शमायाह था ओर शमायाह रे पाऊ हत्तूश, यिगाल, बारीह, नार्याह ओर शपात, यो छे थे। 23 ओर नार्याह रे पाऊ एल्योएनै, हिजकिय्याह ओर अज्रीकाम, यो तीन थे। 24 ओर एल्योएनै रे सात पाऊ ऊए जिना रे नाओं यो ए होदव्याह, एल्याशीब, पलायाह, अक्कूब, योहानान, दलायाह ओर अनानी।