21 तैखन यहोशापात राज़े लोकन सेइं सलाह मुशोरो केरतां किछ लोक ठहराए, ज़ैना कि पवित्र भोइतां सेनारे अग्री-अग्री च़लते बार यहोवारे लेई गीतां ज़ोन, ते इन ज़ोइतां तैसेरी तारीफ़ केरन, "यहोवारी तारीफ़ भोए, किजोकि तैसेरी दया हमेशारीए।" 22 ज़ैस वक्ते तैना गीतां ज़ोइतां तैसेरी आराधना केरने लगे, तैस्से मौके यहोवा अम्मोनी, मोआबी ते सेईरेरे पहाड़ी प्रदेशेरे लोकन पुड़ ज़ैना यहूदारे खलाफ एज्जी राहोरे थिये, मारनेबाले बिशाले ते तैनेईं तैना मारे।