गिनती 10

33 फिरी इस्राएली लोकेईं यहोवारे पहाड़े पुड़ेरां अग्रोवं ट्लाई दिहाड़ां केरू सफर कियूं, ते तैन ट्लाईए दिहाड़न मां यहोवाए करारेरो सन्दूख तैन केरे लेई आरामेरी ठार तोप्पी तैन अग्री-अग्री च़लतो राव। 34 ते ज़ैखन तैना डेरन मरां अग्रोवं च़लते थिये, तैस वक्तेरे देइतां पूरी दिहैड़ी यहोवारी बिदलार तैन पुड़ रहती थी। 35 ते ज़ैखन-ज़ैखन करारेरो सन्दूख अग्रोवं च़लाव गातो थियो, तैखन-तैखन मूसो एन ज़ोतो रहतो थियो, "हे यहोवा, उठ, ते तेरे दुश्मन तितर-बितर भोइ गान, ते तीं सेइं नफरत केरनेबाले तेरे सामनेरां नेश्शी गान।" 36 ते ज़ैखन-ज़ैखन तै रुकी गाती थी, त मूसो एन ज़ोतो थियो, "हे यहोवा हज़ारेईं हज़ार इस्राएली लोकन मां वापस एज्जी गा।"