Andeande wai isa ta namnyangis
11 Yesuse nu hawe, "En apa isa ntu man silu. 12 Ta wawaica nua ni apa, ‘Apa, mlowate rir aratana to bo ya iyal nak lowlowatna!’ Gabe ni apa nlowat si rari aratana lali ntu silu tasa. 13 Ni wol pifis laitane, wai ta wawai cia nwage na lowlowatna ndumi, taga nfan lali batang ta laspa. Puli tina, i nalibiru ni tiwina, fare ntubna npei ta molang pa.
20 Gabe i nfateam gagaw cia fare nuwe lali ni apa i.
Oras ta i nalaspa sube mali ebaicana, i ni apa nemi to. Gabe ni apa nbasam nmasie ina gaole, fare nfarera lali nggopi re nfatan i.
22 Ga ni apa nololaw smat karajanna taga nua si, ‘Fatowale to ffut mali kabaya ta nmafia molangca, taga ffapake i. Fare ffapake i bena yaliyali mali i lobona re sandal mali ficona. 24 Ningalena ya ntuk tae laisa i nmate to ga tane npaling hawe. I namnyangis, ga ya iduki hawe.’ Gabe si mulaine rpei rame.