1 ሶሎሞነ አዉ ዳዊተ መና ጎዳ ጌሻ ጎል ኬጸታና ሳኣ ሞርያ ግያ ደርያን የሩሳላመን ጊግስ ዎዳ። ሄ ሳአይ መና ጎዳይ ዳዊታዉ ባረና በሴዳ፥ ያቡስያ ኦርና ኡዱማ።3:1 ዶመ 22:2 2 ሶሎሞነ ባረ ካተቴዳ ኦይደን ላይን፥ ላኤን አግናን፥ ላኤን ጋላሳን ጌሻ ጎልያ ኬጻናዉ ዶሜዳ።
3 ሶሎሞነ ጾሳ ጌሻ ጎልያ ኬጻናዉ ባሴዳ ባሱዋ ጌሳይ ኡሱፑን ታሙ ዋ፤ ጎምፓይ ላታሙ ዋ። 4 ጌሻ ጎልያ ገልያ ሳኣን ደእያ ባራንዳ ጎምፓይ ጌሻ ጎልያ ጎምፓካ ኬሻ ላታሙ ዋ፤ ጌሳይ ላታሙ ዋ። አ ግዱዋ ጌሻ ዎርቃን ሼሼዳ። 3:4 ላታሙ ዋ: እብራዌ እት ጼታነ ላታሙ ዋ ጌ። 5 ዉይገ አዳራሽያ ጽድያ ጻላላን ልቅ ካሜዳ፤ ሙሩታ ዎርቃን ሼሼዳ፤ ያቲደ ዛምባ ምስልያንነ ሳንሳላታን አሌቂሴዳ። 6 ጌሻ ጎልያ አልኦ ሹቻን አሌቂሴ፤ እ አሌቂሴዳ ዎርቃይ ፓርዋይማ ጋድያፐ ዬዳ ዎርቃ። 7 ማረቱዋ፥ ግምበቱዋ፥ ቆስለንነ ፐንገቱዋ ዎርቃን ሼሼዳ፤ ቃይ ጎዳ ቦላ ክሩበቱዋ ምስልያ ማሴዳ።
8 ሶሎሞነ ኡባፐ አያ ጌሻ ሳኣ ኬጼዳ። ሄ ሳኣ ጌሳይ ጌሻ ጎልያ ጎምፓዳን ላታሙ ዋ፤ ጎምፓይ ላታሙ ዋ። ሄ ሳኣ ጎዳ ላታሙ ሻአ ኪሎ ግራመ ጻልታ ዎርቃን ሼሼዳ።3:8 ከሳ 26:33-34 9 ኡንቱንቱ ጎኤቴዳ ምስማሪ እቼሹ ጼታነ ላፑን ታሙ ግራመ ዎርቃፐ መቴዳ። ፖቅያን ደእያ ክፍለቱዋካ ዎርቃን ሼሼዳ።
10 ሶሎሞነ ኡባፐ አያ ጌሻ ሳኣን ላኡ ክሩበቱዋ ምስለቱዋ ማስ ጊግሲደ፥ ዎርቃን ሼሼዳ።3:10-13 ከሳ 25:18-20 11 ሄ ክሩበቱዋ ቀፊ ምጨቴዳ፥ ላታሙ ዋ፤ ኮይሮ ክሩብያዉ ኮይሮ ቀፊ እቼሹ ዋ ግዲደ፥ ጌሻ ጎልያ ጎዳ ቦቼ፤ ላኤን ቀፊካ እቼሹ ዋ ግዲደ፥ ሀራ ክሩብያ ቀፍያ ቦቼ። 12 ላኤን ክሩብያዉ ኮይሮ ቀፊ እቼሹ ዋ ግዲደ፥ ጌሻ ጎልያ ጎዳ ቦቼ፤ ላኤን ቀፊካ እቼሹ ዋ ግዲደ፥ ኮይሮ ክሩብያ ቀፍያ ቦቼ። 13 ሀ ላኡ ክሩበቱዋ ቀፊ ምጨቴዳ፥ ላታሙ ዋ ግዴዳ፤ ኡንቱንቱ ባረንቱ ዴሙዋ ጌሻ ሳኣኮ ዛሪደ፥ ባረንቱ ገድያን ኤቄድኖ።
14 ሶሎሞነ ሳሉዋ ማላትያ ማዩዋፐ፥ ኦቻ ቴራ ማላትያ ማዩዋፐ፥ ዞኦ ማዩዋፐነ ሱፍያ ቃጭናፐ ዳደቴዳ ማዩዋፐ ጋርዱዋ ኦደ፥ አ ቦላ ክሩበቱዋ ምስለቱዋ መዳ።3:14 ከሳ 26:31
ላኡ ናሃስያ ቱሳቱዋ
(1 ካታ. 7:15-22)
15 ሶሎሞነ ጌሻ ጎልያ ስንን እቱዋ እቱዋ ጌሳይ ሀታማነ እቼሹ ዋ አዱቂያ ላኡ ቱሳቱዋ መሴዳ፥ ኡንቱንቱ ሁጲያን እቼሹ ዋ ጉምቡዋ ዎዳ። 16 ቃይ ሳንሳላታ ግትያዳን መሴዳ፥ ቱሳቱዋ ሁጲያን ዎዳ፤ ያቲደ ሮማነ ጌተትያ ቴራ ምስለቱዋ ጼታቱዋ መሴዳ፥ ሳንሳላታ ቦላ ዎዳ። 17 ቱሳቱዋፐ እቱዋ ጌሻ ጎልያ ስንን ኡሸቻ ባጋና፥ ላኤንዋ ቃይ ሀድርሳ ባጋና ኤሴዳ። ኡሸቻ ባጋና ደእያ ቱሳ ያኪና3:17 ያኪና፦ ሀ ሱን ብለይ እብራዌዋን፥ "ጾሳይ ኬጼዳ" ግያዋ። ሱንዳ፤ ሀድርሳ ባጋና ደእያ ቱሳ ቦኤዛ3:17 ቦኤዛ፦ ሀ ሱን ብለይ እብራዌዋን፥ "ጾሳ ምኖተ" ግያዋ። ሱንዳ።