Isaías 53

1 ኑን ኦዴዳዋ ኦን አማኔዴ? መና ጎዳይ ባረ ዎልቃ ኦና በሴዴ?✝53:1 ዮሃ. 12:38፤ ሮመ 10:16 2 እ አ ስንን መላ ጋድያን ደእያ ዱሩማፐ ጻጱዋ የዲደ፥ አጭያ ያላጋ አጫዳን ድጬዳ። ኑን አ ሎይ ጼላናዉ፥ አዉ ማላይ ዎይ ፑላይ ባዋ፤ ኑን አኮ ሺቃናዉ አዉ ፑል ባዋ። 3 እ አሳን ካቴዳነ እጸቴዳ፤ እ ሀርግያፐነ መቱዋፐ ሻከት ኤረና ካዮትያ አሳ ግዴዳ። እ አሳይ አ በአናፐ ጊደ፥ ባረ ሶምኡዋ ዎራ ዛርያ አሳዳን ካቴዳ፤ ኑንካ አ ቦንችበይኮ።

4 እ ቱሙ ኑ ሀርግያ ባረዉ አኬዳ፤✝53:4 ማቶሳ 8:17 ቃይ ኑ ካዩዋካ ቶኬዳ። ሽን አ ጋኬዳ መቱ፥ ደሸይነ ዋዪ ጾሳፐ አዉ ዬዳዋ ጊደ ኑን ቆፔዶ። 5 ሽን እ ኑ ባይዙዋ ድራዉ፥ ጫደቲደ ማዱንጼዳ፤✝53:5 1 ጰጽ. 2:24 ኑ ናጋራ ድራዉካ ሾጨቲደ ሊቄዳ። እ ሙረቴዳዋን፥ ኑን ሳሩዋ ደሜዶ፤ አ ማዱን ኑን ፓጼዶ። 6 ኑን ኡባይ ኦግያ ባሌዳ ዶርሳቱዋዳን ዎራ ቤዶ፤✝53:6 1 ጰጽ. 2:25 ኑን ኡባይካ ኑ ኦግያዉ ኦግያዉ ስሜዳ። መና ጎዳይ ኑ ኡባይ ናቄዳ ናቁዋ አ ቦላ ዎዳ።

7 እ ኡንኤቴዳነ ቆሄቴዳ፤ ሽን ባረ ዶና ፖክቤና።✝53:7 ሳፃ 5:6✝53:7-8 ኪታ 8:32-33 ሹካናዉ አፍያ ዶርሳዳን ላገቴዳ፤ ባረ እስክያ ሜድያዋንቱ ስንን ጮኡ ግያ ዶርሳ ማራዳን፥ እካ ባረ ዶና ፖክቤና። 8 ኡንቱንቱ አ ኡቁኒደነ አ ቦላ ሱገ ፕርዳ ፕርዲደ አፌድኖ። እ ታ አሳ ባይዙዋ ድራዉ ሾጨቲደ፥ ፓጻ ደእያዋንቱ ቢታፐ እ ክቼዳዋ አ ዛርያፐ ኦኔ አኬኬዳዌ? 9 እ ባረ ሀይቁዋን ኢታ አሳቱዋና ፓይደቴዳ፤✝53:9 1 ጰጽ. 2:22 ሀይቂደካ ዱረ አሳ ዱፉዋን ሞገቴዳ። ግዶፐነ፥ ኢታባ እ ኦቤና፤ ባረ ዶናንካ ዎርዱዋ ሃሳይቤና።

10 ሽን እ ቆሄታናዌ መና ጎዳ ሸነ ግዴዳ፤ ቃይ መና ጎዳይ እ ቱጋታናዳን ኦዳ። እ ባረና ናጋራዉ ያርሹዋ ኦያ ዎደ፥ ባረ ዘረ በአና። አ ባረካ አዱቃና፤ መና ጎዳ ሸኒካ አ ኩሽያን ፖለታና። 11 አ ሸምፑ ዋየቴዳዋፐ ጉይያን፥ እ ደኡዋ ፖኡዋ በአና፤ ናሸታና። ታ ጽሎ ቆማይ ባረ ኤራተን ዳሮቱዋ ጽልሳና፤ ኡንቱንቱ ባይዙዋካ ቶካና። 12 ሄዋ ድራዉ፥ ዎልቃማ አሳቱ ግዱዋን ታን አዉ ቦንቾ ሳኣ ሻካደ እማና፤✝53:12 ማር. 15:28፤ ሉቃሳ 22:37 ቃይ ምኖቱዋና እ ኦሞዱዋ ሻካና። አያዉ ጎፐ፥ እ ባረ ሸምፑዋ ሀይቆ አደ እሜዳ፤ ያቲደ ባይዛንቻቱዋና ፓይደቴዳ። ግዶፐነ፥ እ ዳሮ አሳ ናጋራ ቶኬዳ፤ ባይዛንቻቶካ ጋናቴዳ።