1 ጾሳይ ሀዋዳን ያጌ፤✝ "ህንተኖ ሳመቴዳዋንቶ፥ ኡባይካ ሃኮ ሃ ዪተ፤ ሻሉ ባይናዋንቶ፥ ሃይተ። ሻምተ፤ ሚተ። ሃ ዪደ፥ ሚሻ ጭገናን ጮ ዎይንያ ኤሳካ ማካ ሻምተ። 2 ህንተ ሚሻ ቁማ ግደናባዉ አያዉ ከሲቴ? ካልሰናዋን ህንተ ዎልቃ አያዉ ዉርሲቴ? አነ ሎይደ፥ ታን ኦድያዋ ስስተ፤ ሎኦባ ሚተ፤ ቃይ ሞዋን ህንተ አሳተ ናሸችተ።

3 "ታ አሳዉ፥ ስስተ፤ ታኮ ሃ ዪተ።✝ ሸምፑዋና ፓጻ ደአና ጎፐ፥ ታን ኦድያዋ ስስተ። ታን ህንተናና መና ጫቁዋ ጫቀታና። ታን አንጃና ጋደ ዳዊታ አንጄዳዋዳን፥ ህንተናካ አንጃና። 4 በእተ፥ ታን አ አሳዉ ማርካ፥ ካለያዋነ ካፑዋ ኡዳድ። 5 በአ፥ ኔን ኤረና ካዉተቱዋ ጼሳና፤ ቃይ መና ጎዳ ነ ጾሳ እስራኤልያ ጌሻ ጋሱዋን፥ ኔና ኤረና ካዉተቱ ኔኮ ኤሌሊደ ያና። አያዉ ጎፐ፥ ጾሳይ ኔና ቦንቼዳ" ያጌ።

6 መና ጎዳይ ቤትያ ዎደ አ ኮይተ፤ ማታን ደእያ ዎደ አ ጼስተ።