João 3

3 Jesus auntwuad un säd to am: Woarhauftich, woarhauftich, Ekj saj die: Wäa nich vom nieen jebuaren woat, kaun Gott sien Rikj nich seenen. 4 Nikodemus säd to Am: Woo kaun een Mensch jebuaren woaren, wan hee oolt es? Kaun hee toom tweedemol en siene Mutta äa Lief nengonen un jebuaren woaren? 5 Jesus auntwuad: Woarhauftich, woarhauftich, Ekj saj die: Wäa nich ut Wota un Jeist jebuaren woat, kaun nich en Gott sien Rikj nengonen. 6 Waut vom Fleesch jebuaren woat, es Fleesch, un waut vom Jeist jebuaren woat, es Jeist. 7 Wunda die nich, daut Ekj to die säd: Jie motten vom nieen jebuaren woaren. 8 De Wint blost, wua dee well, un du hieescht sien Ruzhen, oba du weetst nich, von wua dee kjemt uk nich, wua dee hanjeit; soo es een jiedra, dee vom Jeist jebuaren es.