12 Un aus Hee en een jewesset Darp nenjinkj, bejäajenden Am tieen leprakranke Mana, dee von wietauf stunden 3Mo 13:45-46 13 un hoowen äare Stemm opp un säden: Jesus, Liera, hab Metleet met ons! 14 Un aus Hee äant sach, säd Hee to äant: Got han un wiest junt de Priesta! Un daut passieed, wäarent see jinjen, worden see rein. Luk 5:14 15 Eena oba von äant, aus hee sach, daut hee wia jeheelt worden, kjeem trigj un lowd Gott met lude Stemm 16 un foll opp sien Jesecht ver siene Feet un dankt Am; un hee wia een Samarita. 17 Dan auntwuad Jesus un säd: Sent nich tieen rein jeworden? Wua sent oba de näajen? 18 Haft sikj sest kjeena jefungen, dee trigj-kjeem un jeef Gott de Iea, aus mau dis Framda? 19 Un Hee säd to am: Sto opp, un go han; dien Gloowen haft die jerat. Luk 7:50