5 No ov sas predemado vaš amare bini,

zorales mardo vaš amare nalačhipena;

pre leste sas thodo o trestos, hoj pre amende te avel o smirom,

a leskre ranenca sasťiľam avri.

6 Amen savore samas sar o našade bakrore;

sako džahas peskre dromeha,

ale o RAJ thoďa pre leste

amare savoredženengre nalačhipena.

7 Mučinenas les, ale ov oda pokorňe zľidžalas

a na phundraďa peskro muj.

Avke sar o bakroro, saves ľidžan te murdarel,

sar e ovečka, savi hiňi čhit anglal oda, ko la strihinel,

na phundraďa peskro muj.