1 Se a siki gidagida Ni geni alama daa nsu sa womba, totolo nsu beyi mamanki. Meleku bokwe nja aloba nsu zapi bokwe de mani karishe, sobon osu na su ma mbode ni karishe de yaa sa anwashi ni Mirikisi yaa sika. 2 Se ni geni mbodaa de ma kankye totolo ndan miya ni mudubi de nja wuta. Se Ni sakye geni ntani de su yi nasara ni daba nsu sa womba ni nja gunki nja a kiya nomba de pala seni ni totolo daba nsu sa womba. Su sakisi mala totolo ndan miya mudubi, su keyi kakaki de Mirikisi ba su. 3 Se sua yi wonka ni Musa, bunwa ni Mirikisi, nja wonka ni Yaa Timshiya Mirikisi nkye:

<<Obagizi Mirikisi nsu girima,

yaya na girima nja ANKI mbo mamanki ake yaa ma!

Seleki ni guru durinya,

beta ake ma gangasi nja gaskye!

4 Obagizi Waana yaa zi womba ake ba?

waana yaa ki yobo girima seni ake?

sobon e ke dandaa na ki man lepi ba ki man nsuseki.

guru kesa sua zo

a geba ake de su yobo ke,

Sobon kyawu ANKI ke guru ntani geni.>>

5 A beyi de daa mu bise Ni geni gizi Mirikisi a bisi bubure nja rugwa anya beyi sedeka a siki e yi. 6 Se meleku bokwe nsu dege ankeli a siki gizi Mirikisi mu, su nya keikei peperi sere nja su domuna aziripa gyowe geba asu. 7 Se daa a siki alita wuru de su man leyi zo ba meleku bokwe kosoko ni zinari de sika ni anwashi Mirikisi, nsude yaa man leyi ari gbogbo. 8 Se gizi Mirikisi mu sika ni ayanki butu anya dereja ni Mirikisi nja sori yi. Ba nseda de yaa yi yaa yuru a gizi Mirikisi sede aloba bokwe de meleku bokwe mu su zo nshi.