1 Se daa a siki meleku bokwe de su mani kosuko bokwe e zo anya na nkye, <<zo Na nana ke yiride totolo mase kilaki yaa a keleba poro, nsude zunwa a kiya riki nyowa, 2 Nsu salaki ni durinya mu su kwana nja shi, nja ntani durinya su bugu ni riki inebi nungwe de su yi nja shi.>>

3 Aworo Mirikisi la nni, nja meleku la ni te a siki denka. Anya ni Ni geni mase daa a kiya daba zanza de mani seni a guru nki e yi a rubutu de basi Mirikisi; daba mu e mani kiya bokwe nja koho gom. 4 Mase mu e sa keikei zanza nja riki ni gawura nja su ripe yi ni aziripa, nja dunsi nsu dereja, nja lulu. A nani yi ema koshiya ni aziripa, sika ni mbo rebi nja dola, nja nani wuta yi e shiya lalashe. 5 A baki gan yi su rubutu seni daa de maana yi ma a boyi: <<Babila nsu Girima, Amaa ni guru mase kilaki nja Amaa ni mbo kyama a siki durinya.>> 6 Nja ni geni mase de bugu ni zini ni ntani Mirikisi nja zini ni worede su kisa su sobon su beyi sheeda a kiya Yesu.

Kwanki de ni geni yi, Ni zi mamanki soseyi. 7 Meleku minya ni.<<Mina sa ka zi mamanki?>> <<Na gye ke mbode ma a boyi a kiya mase mu nja daba de la mase mu, daba mu nsu kiya bokwe nja koho gom. 8 Nkye daba mu e taba mani leyi, sede yaa mani leyi gagaba; yaa saki a zo a butu te anya su zo a kisa yi. Ntani de sua zunwa a durinya worede kapi su yi durinya seni asu ma a rubutu a siki takada ni leyi ba, guru sua zi mamanki de su kone daba mu. E taba man leyi tuku; kuzukam e man leyi gagaba, Sede yaa saki butu.

9 <<Sukwa nsum yaa ma ni simi nja gane. Kiya bokwe mu yaa ogbo bokwe na, nsude mase mu zunwa a kiya e yi. Su ko ma salaki bokwe na: 10 biyari a siki asu puari, daa tuku mayi solota, nja daa tuku zo woba; kwanki de zo, yaa yi solota ni kwanki piri na. 11 Nja daba de e taba man leyi ni, sede e man leyi gagaba, e shi nkiya yi na ma seleki ni takusi nsude ma daa a siki bokwe nja yaa taba ma gagaba sua kisa yi.

12 Koho gom de ki geni su ma seleki gom worede su tuku yi solota wo ba, sede nsude sua bayi yiko de yaa ma seleki de yaa yi solota ni keripi daa nja daba mu. 13 Seleki gom worosu mu tunani su ma daa na, nja sua beyi sori asu te anya ni daba mu. 14 Sua yi yanki Yaa Timshiya; sede Yaa Arago, geba daa nja worede e sukwa, e zabi, nja nsu biya yi ni gaskye, sua si nasara nja su, sobon e ma Obagizi ni obagizi nja Seleki ni Salaki.>>

15 Meleku gye ni saki gyeni nkye, <<Riki de ki geni, nsu mase kilaki zunwa a kiya e yi, yaa ma kesa, ntani, juriya nja arishiya. 16 Koho gom de ki geni, nja daba mu, sua ki zini mase kilaki; sua keleba guru mbode e man shi sua bila yi totombolo; sua suku nama yi sua kisa yi ni wuta. 17 Se Mirikisi sa a dishiya asu de su yi mbode yaa so nja de su ba daba mu sori asu de e yi solota ari beta ni Mirikisi de ma gaskye e sika. 18 <<Mase de ki geni e shiya ma totolo geri de yaa yi solota a kiya Seleki ni durinya mu,>>