ኢሳያሳ ቲንቢቴ 24

ጎዳይ ሳኣ ቦላ ኤሃና ቂጻቴ

1 ቤኢቴ! ጎዳይ ቢታ

ቡላ ኬሳና፤

ሙሌራ ይሳና፤

ቡ ዶሬ ሂስታና፤

ኢዚን ዲዛ ኣሳ ላላና።

2 ኡባ ሚሺካ ኢሲ ማላ ጊዳና፤

ዴሬዛ ቦላ ሃንዛይሲ

ቄሴዛ ቦላ ሃናና፤

ኣይሌ ቦላ ሃንዛይሲ

ጎዳ ቦላ ሃናና፤

ኣሽካራይ ቦላ ሃንዛይሲ

ጎዳቴይ ቦላ ሃናና፤

ሻሚዛይሳ ቦላ ሃንዛይሲ

ባይዚዛይሳ ቦላ ሃናና፤

ታልኤ ኤኪዛይሳ ቦላ ሃንዛይሲ

ታልኤ ኢሚዛይሳ ቦላ ሃናና፤

ኣጮ ጪጊዛይሳ ቦላ ሃንዛይሲ

ኣጮ ጪጊሲዛይሳ ቦላ ሃናና።

3 ቢታይ ሙሌራ ቡላ ጊዳና፤

ሙሌራ ቦንቄታና፤

ሃ ቃላ ጎዳይ ሃሳይዴስ።

4 ቢታያ ሜላና፤

ኢዚን ዲዛ ኡባይ ቆካና፤

ኣላሜይ ዳቡራና፤

ቢታ ቦላ ኤሬቲዳ

ጊታ ኣሳቲ ዳቡራና።

5 ቢታይ ባ ኣሳን ቱናዱስ፤

ኢስቲ ዎጋ ሜንዳ፤

ማራ ሞሪዳ፤

ሜርና ጫቆ ቃላ ሜንዳ።

6 ሄሳ ጊሻስ ቃንጌ

ቢታ ሜስ፤

ኢዚን ዴኢዛ ዴሬቲ

ባንታ ሞሮን

ቃጻዬታና ቤሴስ፤

ሄሳ ጊሻስ ሳኣ ቦላ ዲዛ

ኣሳቲ ጹጌቲዳ፤

ኢስታፌ ቆዳን ጉ

ኣሳቲ ኣቲዳ።

7 ዎይኔ ቱራይ ሜሊን

ዎይኔ ኡሺ ዉሪዴስ፤

ካሴ ኡፋዬቲዛ ኡባይ ጬጪዴስ።

8 ኡፋይሳን ካራቤ ባቃይ

ጮኡ ጊዴስ፤

ካኢዛይታ ሆምቦጫይካ ኤቂዴስ፤

ኡፋይሲዛ ዲ ጊሪሲ

ጮኡ ጊዴስ።

9 ሃይሳፌ ጉዬ ኢስቲ ዬጺሼ

ዎይኔ ኡሹ ኡዬቴና፤

ኡሻይካ ኡዪዛይታ ጫማና።

10 ላሌቲዳ ካታማያ ካይዛዱስ፤

ኬ ፔንጌቲካ ጎርዴቲዳ።

11 ዎይኔ ኡሻ ጊሻስ

ዱቡሻን ዋሴቴስ፤

ኡፋይሲ ኡባይ

ጬጬን ላሜታና፤

ሆምቦጫ ካሲ

ቢታ ቦላፌ ይዴስ።

12 ካታማያ ሙሌራ ላሌታዱስ፤

ፔንጌቲካ ሜቄሬቲ ኩንዲዳ።

13 ዎጋራ ሚ ኣይፌ ሾጪ ቆቆፊን

ዎይኔ ሚ ቃንጺ ኤኪን

ኣቲዛ ኣቲዳ ፑሹሎ ማላ

ቢታ ቦላ፥ ካዎቴታ ቦላ

ሄሳ ሃናና።

14 ኢስቲ ባንታ ቃላ ቁ ሂስቲዲ

ኡፋይሳን ዬጻና፤

ኣርሼይ ዉሊዛ ባጋፌ

ጎዳ ጊታቴ ዮታና።

15 ሄሳ ጊሻስ ኣርሼይ

ሞኪዛ ባጋራ ዲዛይቶ፥

ኣባን ዲዛ ሃሩሮቲ

ጎዳ ኢስራኤሌ ጾሳ፥

ሱን ቁ ቁ

ሂስቲቴ።

16 ቢታ ጋጻፔ፥

«ጺሎዛስ ቦንቾይ ጊዶ»

ጊዛ ማዛሙሬ ኑ ሲዪዶስ፤

«ታኒ ጊዲኮ ጊልቃዳ

ሜቄ ኣታዲስ፤

ታና ኣዬ ኣና!

ካዲዛይቲ ካዴቴስ፤

ኣ ኢሚዛይቲ

ኣ ኢሜቴስ» ጋዲስ።

17 ኢንቴኖ ሳኣ ቦላን ዲዛ ኣሳቶ፥

ዳጋማይ፥ ኦላይኔ ዎጺማዴይ

ኢንቴና ናጌስ።

18 ሳሎ ማስኮቴቲ

ዶዬቲዳ ጊሻስ፥

ቢታ ዮቻቲካ ቃጺዳ፤

ሺሮፔ ባቃቲዛይ

ኦላን ኩንዳና፤

ኦላፌ ኬሲ ኤኪዳይካ

ዎጺማዴን ኦይኬታና።

19 ቢታይ ቃጺዴስ፤

ዛኢዴሲኔ ጳልቄቲ

ዎዴስ።

20 ቢታይ ማቲዳ

ኣሳ ማላ ዪጮቲዴስ፤

ጫርኮይ ሱጊዳ

ጋባ ማላ ጊዳዱስ።

ቢታ ማካላቴይ

ዴጾ ጊዲዳ ጊሻስ ኩንዳና፤

ናምኣንካ ሲሚ ዴንዴና።

21 ሄ ጋላስ ጎዳይ

ቦላ ሳሎን ዲዛ ዎልቃማታ

ጋርስ ቢታ ቦላ ዲዛ

ካዎታካ ቃጻያና።

22 ኢስቲ ኦላን ዲዛ ቃሾ ኣሳ ማላ

ኢሲ ቦላ ኡጬታና፤

ኢስቲ ቃሾ ኬን

ጎርዴቲ ኡታና፤

ዳሮ ዎዴፔ ጉዬ

ኢስቲ ፒርዳ ኤካና ሺቃና።

23 ኡባፌ ዎልቃማ ጎዳይ

ጺዮኔ ዙማኒኔ

ዬሩሳላሜን ጪማታ ሲንን

ቦንቾን ካዎታና፤

ሄ ዎዴ ኣጊናይ ሻጴታና፤

ኣዋ ኣይፌይካ ዬላታና።