1 ጎዳይ፥ «ማካላንቻ ጊዲዳ ናይታስ

ኣዬ ኣና!

ታፔ ጊዶንታ ቆፋ ካሌቴስ፤

ታ ኣያናፔ ጊዶንታ

ጫቆ ጫቄቴስ፤

ናጋራ ቦላ ናጋራ ጉጄቴስ።

2 ታና ዞሬ ኦይቾንታ

ጊብጼ ዎቴስ፤

ካዎ ፓሮኔይ ኢስታስ

ጎንዳሌ ጊዳና ማላ

ጊብጼ ኩዋን ኣታና ኮዬቴስ።

3 ጊዶ ኣቲን ፓሮኔ

ጎንዳሌቴ

ኢስታስ ካዉሻቴ ጊዳና፤

ጊብጼ ካዎን ኣቴ

ኢስታ ቦላ ዬላ ኤሃና።

4 ኢስታ ሹሜቲ ጻኖሴን ዲኮካ፥

ኢስታ ኪቲዳይቲ

ሃኔሴን ዲኮካ፥✝

5 ኢስታስ ዬላቴኔ

ካዉሻቴ ጻላ ጊዳና ኣቲን

ማዶ ዎይኮ ዎ

ኢስታስ ኤሆንታ

ኣይኮ ጎኣካ ኢስታስ

ኢሞንታ ኣሳታ ጋሶን

ኡባይካ ዬላታና» ጌስ።

6 ኔጌቤን ዲዛ ሜዶሳታ ጊሻስ ጎዳይ ዮቲዳ ቃላይ

ዎዳላ ጋሞቲኔ

ማጫ ጋሞቲ ዲዛሶን፥

ማርዜራ ዲዛ ሾሻቲኔ

ጾንጌቲዛ ሾሻቲ ዲዛሶን፥

ሜቶይኔ ጬጬይ ኩሚዳ ቢታራ

ኣ ቢዲ፥

ኢስቲ ጎኦንታ ዴሬታኮ፥

7 ኢዚ ማዶስ

ሙሌካ ጎኣይ ባይንዳ

ዴሬ ኢስቲ ጊብጼ ባና፤

ሄሳ ጊሻስ ታኒ ኢዚ ሱን

«ኣይኮካ ጎኦንታሮ ኤራኣቤ»

ጋ ጼይጋና።

8 ሃኢ ባ፤ ሳሌዳን ኢስታስ ጻፋ፤

ጻ ማጻፋ ቦላካ ጫዳ፤

ሄሲ ቡሮፔ ያና ዎዴታን

ሜርናስ ማርካ ጊዳና።

9 ሃይቲ ጎዳ ኣዛዞ

ሲያና ኮዮንታይቲ፥

ማካላንቻ ዴሬኔ

ባሌዛ ናይታ።

10 ኣጁታ ቤኢዛይታ፥

«ሃይሳፌ ጉዬ ኣጁታ

ቤኦፒቴ» ጋና፤

ናቤታ፥ «ሃይሳፌ ጉዬ ኑስ

ቱማ ቲንቢቴ ዮቶፒቴ፤

ኑና ኡፋይሲዛዚኔ

ሚቺዛዝ ዮቲቴ።

11 ሃይሳ ኦጋፔ ኪቺቴ፤

ሃ ዎጋ ኦጋፔ ሃኪቴ፤

ኢስራኤሌ ጌሻራ ኑና

ቲራን ጋፍቴ» ጋና።

12 ሄሳ ጊሻስ ኢስራኤሌ ጌሻይ፥

«ኢንቴ ሃ ቃላ ካዳ ጊሻስ፥

ጌኔን ኢንቴ ኣማኔቲዳ

ጊሻሲኔ

ባሌን ዜምፒዳ ጊሻስ፥

13 ሃይሲ ሃ ናጋራዚ

ጳልቄቲ ኩንዳናኔ

ቆፖንታ ዲሺን ኩንዲዛ

ጊታ ጊምቤ ማላ

ኢስታስ ጊዳና።

14 ሜቄሬቶይሳ ጊዶፌ

ታማ ቦንቆ ካሺዛ ኮንኣይ፥

ሃ ዱቂዛ ኮንኣይ

ያናሼ ጋካናስ፥

ኣይኮይካ ኣቶንታ ቲፌቲዛ

ማና ሚሻ ማላ

ቲፌታና» ጌስ።

15 ኡባ ሃሪዛ ጎዳይ፥

ኢስራኤሌ ጌሻይ፥

«ኢንቴ ታኮ ሲሞኒኔ

ታናን ሼምፖን ኣታና፤

ዎፓኒኔ ኣማኖን

ኢንቴ ሚናና፤

ኢንቴ ጊዲኮ ሄሳ

ኦቤኬታ።

16 ቃሴካ፥ ‹ቺ! ኑኒ

ፓራን ኡቲ ባቃታና› ጊዴታ፤

ሄሳ ጊሻስ ኢንቴ ባቃታና።

ዛሪዲካ ኢንቴ፥

‹ኑኒ ፒላታ ፓራን

ኬሲ ኤኪ ባና› ጊዴታ፤

ሄሳ ጊሻስ ኢንቴና

ዬዴዛይቲ

ፒላታታ ጊዳና።

17 ኢንቴ ዙማ ሁኤን

ኤቂዳ ባንዲራ ማላ

ዙምቡላታ ጼራን ኤቂዳ

ማላታ ማላ

ጊዲ ኢንቴ ኣታናሼ ጋካናስ

ኢሲ ኣሳ ማንዴን 1,000

ኣሲ ባቃታና፤

ኢቻሽ ኣሳ ማንዴን

ኢንቴ ኡባይ ባቃታና» ጌስ።

18 ጊዶ ኣቲን ጎዳይ ኢንቴስ

ኪያ ኦናስ ናጌስ፤

ኢንቴና ባ ቃቴ

ቤሳናስ ዴንዴስ፤

ጎዳይ ቱሙ ፒርዲዛ

ጾሳ ጊዲዳ ጊሻስ

ኣማኔቲዲ ኢዛ ናጊዛይቲ

ኣንጄቲዳይታ።

19 ኢንቴኖ ዬሩሳላሜን ዴኢዛ ጺዮኔ ዴሬዞ! ሃይሳፌ ሲንን ኢንቴ ዬኬኬታ፤ ኢንቴ ኢዛኮ ዋሲሺን ኢዚ ኢንቴና ዋኒ ማሬኔ? ኢንቴ ዋሶ ኢዚ ሲዪዲ ኢንቴስ ኤሶን ዛሮ ኢማና። 20 ጎዳይ ኢንቴስ ዋዬ ካኔ ሜቶ ሃ ኢሚኮካ ሃይሳፌ ጉዬ ኢንቴ ኣስታማሬይ ኢንቴፌ ቆቴቴና፤ ኢንቴ ኣይፌቲካ ኢንቴ ኣስታማሬዛ ቤኣና። 21 ኢንቴ ሃዲርስ ዎይኮ ኡሻች ጊኮ ኢንቴ ጉዬራ፥ «ኦጌዚ ሃይሳ፤ ኢዛራ ቢቴ» ጊዛይሳ ኢንቴ ሃይ ሲያና። 22 ሄሳፌ ቢራን ሜሼቲዳ ኢንቴ ኤቃ ጾሳታኔ ዎርቃን ሜሼቲዳ ሚስሌታ ኢንቴ ሞራና፤ «ኑፔ ሃኪቴ» ጊዲ ቱና ጫርቃ ማላ ኢንቴ ዎራ ዬጋና።

23 ኔ ዜሪዳ ካስ ኢዚ ኢራ ኢማና፤ ቢታፌ ሞኪዳ ካይ ሙሩታኔ ዳሮ ጊዳና። ሄ ዎዴ ኢንቴ ሜሄይ ኣሆ ዴምባን ሄሜታና። 24 ጎሻ ቦራቲኔ ሃሬቲ ባካን ቡኪ ሱራጌቲዳ ሃርቆኔ ባሶ ማና። 25 ኣሳይ ዉሪዛ ዎልቃማ ጋላሳን ሚጻቲ ላሌቲሺን ጊታ ዙማታ ኡባታ ቦላፌኔ ዙምቡላታ ኡባታ ቦላፌ ዱጌ ሃ ጎጋና። 26 ጎዳይ ሜቂዳ ባ ዴራ ኮሊሺን፥ ማዱንዳይሳ ፓሺን፥ ኣጊናይ ኣርሼ ማላ ፖኣና። ኣርሼስ ኢሲ ጋላሳ ፖኦይካ ላፑን ጋላሳ ፖኦ ማላ ጊዳና።

27 ቤኢቴ፥ ጎዳ ሱንይ

ኤጺዛ ሃንቆራ፥

ሻራ ማላ ፒ ጊዳ ጩዋራ

ሃኮፔ ያና፤

ኢዛ ሜቴርሻቲ ሃንቆን ኩሚዳ፤

ኢዛ ኢንጻርሳይካ

ጹጊዛ ታማ ማላ።

28 ኢዛ ፔኖይካ ቆ ጋኪዲ

ሜጪ ኤፊዛ ኪጻ ሃ ማላ፤

ካዎቴታካ ይሶ

ዛይዛሬን ዛይዛሬስ፤

ኣሳ ዶናን ኦጌ ባሌዛ

ቢጻላ ባርሴስ።

29 ኦማርስ ጌሻ ባኣሌ

ኢንቴ ቦንቺሼ

ዬጺዛይሳ ኢንቴ ዬጻና፤

ጎዳ ዙማኮ ኢስራኤሌ ዛላኮ

ኣሳይ ሱሱልኤ ሱሱልኢሼ

ኡፋይሳን ኬዚዛይሳ

ኢንቴ ዎዚናይ ኡፋዬታና።

30 ጎዳይ ኤጺዛ ሃንቆኒኔ

ሚዛ ታማን፥

ጎቴ ጫርኮኒኔ ዳዳን፥

ሻቻ ሹቻን፥

ቴማይ ኩሚዳ ባ ጬንጉርሳ

ኣሳ ሲሳና፤

ዎሼ ባ ቄሳ ኢዚ ቤሳና።

31 ጎዳ ጬንጉርሲ

ኣሶሬ ዳጋንና፤

ኢዛ ጉፌይካ ኢስታ ሾጫና።

32 ጎዳይ ኢስታ ቦላ

ዬዲዛ ቂጻቴ ጉፌ

ኡባይ ካራቤ ጊሪሳኒኔ

ዲ ጊሪሳን

ኣዣቤቲዳይሳ፤

ኢዚ ባ ዎልቃ ኦላን ቤሲዲ

ኢስታ ሾጪዴስ።

33 ቤኒ ዎዴፔ ዶሚዲ

ቶፌቴ ጌቴቲዛ

ጹጊዛሶይ ጊጌቲ ኡቲዴስ፤

ካዎዛሲካ ጊጌቲ ኡቲዴስ፤

ጹጋና ጎንጎሎዚካ

ኣሆኔ ጪማ፤

ኢዛ ጊዶን ዳሮ ታማይኔ

ኤጻና ሚ ዴስ፤

ጎዳ ፔኖይ ዲኔ ታማ ማላ

ኤ ኬሳና።