1 ጎዳይ፥ «ኢንቴኖ ሳሜቲዳይቶ

ኡባይካ ሃ ዪቴ!

ሃኮ ሃ ዪቴ፤

ኢንቴኖ ሚሺ ባይንዳይቶ

ሻሚቴ፤ ሚቴ።

ሃ ዪቴ፤ ሚሺ ባይንዳኔ

ቃንጾንታ ዎይኔ ኡሺኔ

ማ ሻሚቴ።✝55፡1 ኣጁ 21፡6፤ 22፡17

2 ጎኦንታ ካስ

ኣይስ ኢንቴ ሚሽ ይሴቲ?

ኢንቴና ካልሶንታ ሚሻስ

ኣይ ኤካናስ

ኢንቴ ዎልቃ ዉርሴቲ?

ሲዪቴ፤ ታ ጊዳዝ ሲዪቴ፤

ሎኦ ጊዲዳዝ ሚቴ፤

ሎኦ ቁማን ኢንቴና ኡፋይሲቴ።

3 ኢንቴ ሃይ ዶይዲ

ሃ ታኮ ሺቂቴ፤

ኢንቴ ሼምፖራ ፓጻ ዳና ማላ

ታ ጊዛ ኤዝጊ ሲዪቴ፤

ካሴ ታ ዳዊቴራ ጫቂዳ

ሚኖ ሲቆን ኢንቴናራካ

ሜርና ጫቆ ጫቄታና።✝55፡3 ሃዋ 13፡34

4 ቤኢቴ፥ ታኒ ኢዛ ዴራስ ማርካ፥

ካሌዛዴኔ

ኦላ ጋዳዋ ኦዲስ።

5 ቤኣ፥ ኔኒ ኤሮንታ

ካዎቴታ ጼይጋና፤

ኔና ኤሮንታ ካዎቴቲ

ኔኮ ኤሶን ያና።

ጋሶይካ ጎዳ ኔ ጾሳይ

ኢስራኤሌ ጌሻይ ባ ቦንቾን

ኔና ቁ ቁ

ሂስቲዴስ» ጌስ።

6 ጎዳይ ቤቲዛ ዎዴ

ኢዛ ኮዪቴ፤

ማታን ዲዛ ዎዴ

ኢዛ ጼይጊቴ።