Lucas 18

Feriisichchiinxanna Qaraxa Bukki assammakixxee Mammaassa

9 Ifi qullichchake asse uudati ifi saadaakeerii’anna wele manna kinni tuffateeke mannixxee konne mammaassa insa’ne’a hiyya’n mammaakee qici: 10 «Lami manni soodachchotee’e alalle galmi giddi’a me’e; mitti feerisichchoke langak qaraxa bukki assa’emmakemman. 11 Feerisichchikinna uurreexxi ifixxee soodata’n hiyyee qici: ‹Mageno ani wele manni duuchchishsha, bokkaame xaqartichcha, yabaabula giddii’ninni konne qaraxa bukki assaammake manjichchishsha kada gopheennaxxe’e atee galateeffatannen. 12 Ani torbaate’ni lamele agabo goddo hosaannon; alfannochcho duuchchanaa’ninna tommitte ati’aa uwwaannon.›

13 «Iikki qaraxa bukki assammaki kinni bayyanni urreexxi, iimi’anna midde qokki hiyya haseba’a. Yaane kinni qoma ifixxa ga’na’n, ‹Mageno, anee balleessanjokee marar› hiyya’nemman.

14 «Ha’noo’ni kulo, ookkone fariisichchi irra kunni Mageni edo qullichchiinsha uudemeexxi mine ifikibaa higeen; ifi lummisaak duuchchi shiixxedhaan; ifi shiixxishaak kinni lummedhaan.»✝18:14 Mat. 23:12; Luq. 14:11.