Maatoosixxaa Wengeele 12

Yessuusixxa Amanna Isika Dayyuwwa

46 Yessuusi ardake’ni haaso’a’nenige’ni ama isixxinna dayyuwwi iski iso’o haasossino’a hanseexxi gadhdho uurrineemmani. 47 Ookko hedheemmake mannanaa’ni mitti iso’o, «Ama atixxinna dayyuwwi atiki atee haasessino’a hanse’e gadho uurrine’eeni» hiyye.

48 Yessuusi kinni iso’n, «Ama anxi ayyete? Dayyuwwi ankinna ayyeera?» hiyyexxi hiisse haaso’e. 49 Ookkonechchi uduma hordofeeyye ifixxe’n anga wirri asseexxi «Ama anxinna dayyuwwi anki konneerateni. 50 Iimate’ni hedhdheke anke Annixxa fedhi wonshaaki duuchchi isi anke dayyo anxe dayyoninna anxe aman.»