Maatoosixxaa Wengeele 4

Yessuusi Siretixxa Hordofeeyye Ye’eexxa

18 Yessuusi Galiilixxe abbaayya birii’n sa’aamma wodda lame dayyuwwa, Pheexiroosi hiyyemeemmaka Simi’ooniinna dayyo isika Indiryaasii’i afe. Insa’nenna qulxu’me abixaammake manna kandeemmaxxee marabe abbaayyate’n darbe’na’nemman. 19 Yessuusinna, «Amme, anee hordoffe! Manna abiddinaake ha’noo assannon» hiyye. 20 Iikki woddi insa’nenna marabe ifixxa waalleexxi isoo hordonfe. 21 Ookkoo’ninna sa’eexxi wele lame dayyuwwa, Zebidewoosixxa oose Ya’iqoobinna Yohaannisii’i afe; insa’nenna anna ifike Zebidewoosinni welti hobolo giddo marabe ifixxa qixxeeffanta’nemman. Yessuusinna insa’nee ye’e. 22 Insa’nenna iikki woddi hobolotanna anna ifika waalleexxi Yessuusii’i hordonfe.