7 «Soodatte, ha’no’a uwwendaan; halse alfitinaan; hulatanna ganganne ha’no’a banendaan. 8 Soodataakee duuchchi’a uwwendaan; halsaakiirinna alfaan; gangaanake hula banendaan.
9 «Ha’noo giddii’n belti ifiki xalta kadhatoole; kinjo uwwaak anni hedhee? 10 Yookaan qulxu’me kadhatoole bofa isi’a uwwaata? 11 Eeganni ha’no elobaake manna kaddineexxi oose ha’nooxe’e eloxxa uwwa uwwiyyo egendinoole iima hedheek ha’nook Annifa’i iso’o soodataakeeri’a hittata sa’isseexxi eloxxa yaane uwwa gophata?