João 15

Yesʉ mʉzabibʉ nʉwatai

1 Sʉnga Yesʉ wɨkalʉnga, "Ʉnene nɨmʉzabibʉ nʉwa tai, nʉ Tata wane ingɨ mʉlɨmi. 2 Itambɨ lɨhi nɨlɨkolɨ mʉng’waane nɨshanga lɨpaa nkali, Tata wane wɨlɨtema nʉkʉlɨheja, hangɨ itambɨ lɨhi nɨlɨpaa wɨlɨnoneelya lɨhume kʉpa ikɨlo. 3 Ʉnyenye maina mɨelʉ mʉnkolo kʉnsoko a ʉlʉkani ʉlo naɨnʉmʉmanyisilye. 4 Ishii mʉng’wane, anga ʉnene nɨnishiɨ mʉng’wanyu. Anga itambɨ nɨla mʉzabibʉ nɨshanga lɨkʉpa nkalɨ anga lɨhite kʉkamɨnkana nitina, ʉʉgwa nʉnyenye shanga mʉkitʉma ayo Itunda nʉmaloilwe anga ɨze shanga mishiɨ mʉng’wane. 5 Ʉnene nɨmuzabibʉ, ʉnyenye mɨntambɨ. Awo nɨishiɨ mʉng’wane, nʉnene mʉng’wao, nɨanso akitʉma makani ɨdʉ nʉmaloilwe Itunda, kʉnsoko ʉnene angantule nɨkʉtile mʉkʉlegwa kitʉma kɨntʉ kɨhi.