Isaías 43

യിസ്രായേലിന്‍റെ രക്ഷകൻ

1 ഇപ്പോഴോ യാക്കോബേ, നിന്നെ സൃഷ്ടിച്ചവനും,

യിസ്രായേലേ, നിന്നെ നിർമ്മിച്ചവനുമായ യഹോവ ഇപ്രകാരം അരുളിച്ചെയ്യുന്നു:

"ഭയപ്പെടേണ്ടാ, ഞാൻ നിന്നെ വീണ്ടെടുത്തിരിക്കുന്നു;

ഞാൻ നിന്നെ പേർ ചൊല്ലി വിളിച്ചിരിക്കുന്നു;

നീ എനിക്കുള്ളവൻ തന്നെ.

2 നീ വെള്ളത്തിൽകൂടി കടക്കുമ്പോൾ ഞാൻ നിന്നോടുകൂടെ ഇരിക്കും;

നീ നദികളിൽകൂടി കടക്കുമ്പോൾ അവ നിന്‍റെ മീതെ കവിയുകയില്ല;

നീ തീയിൽകൂടി നടന്നാൽ വെന്തു പോവുകയില്ല;

അഗ്നിജ്വാല നിന്നെ ദഹിപ്പിക്കുകയുമില്ല.

3 നിന്‍റെ ദൈവവും യിസ്രായേലിന്‍റെ പരിശുദ്ധനുമായ യഹോവ എന്ന ഞാൻ നിന്‍റെ രക്ഷകൻ;

നിന്‍റെ മറുവിലയായി ഞാൻ മിസ്രയീമിനെയും

നിനക്കു പകരമായി കൂശിനെയും

സെബയെയും കൊടുത്തിരിക്കുന്നു.