44 "Wavele wetu viwakalile kuja kulawala wakala na hema kama chilaguso kua Mulungu kahamwe nao. Wadizenga hema ijo kama Mulungu viyamulagize Musa kudizenga. 45 Wavele wetu waibokela hema iyo mbaka chipindi cha Yoshua viwaisolile isi ija kulawa kwa wanhu waja Mulungu yawawingile haulongozi wao, hema iyo ikala baho mbaka chipindi cha Daudi.

46 Daudi kapata ng’hekewa kulawa kwa Mulungu kampula Mulungu chibali cha kumzengela ng’anda ili iyo na Waizilaeli wose wamfugamile umo. 47 Mbali Selemani iyo yamzengele Mulungu ng’anda iyo.

48 "Hataivo, Iyo yali Kuchanha ng’hani hakala mzing’anda zizengigwe na wanhu kama vija mlagusi wa Mulungu viyalongile,

49 ‘Kuulanga uko kuchigoda changu cha ufaume

na muiisi ni hanhu ha kwika magulu gangu

Ivo, monizengela ng’anda yavilihi?’

Ivo, hanhu hangu hakukala halihi?

50 Ivo, sio niye nivilumbile vinhu vose?’ "