Lucas 7

31 Yesu kagendelela kulonga, "Manye niwalinge na chinhu gani wanhu wa ulelo uno? Mmanye walinga choni? 32 Wao walinga kama wana wadodo wakalile mdigulilo wokema wayao na wowalongela, ‘Chiwatowela vibundo va lusona mbali hamvinile! chiwembila nyila za giogio mbali hamlilile!’ 33 Kwa vija Yohana imbatizi keza, na kakala hoja hebu kung’wa divai kuno yopula chila mala, wanhu walonga kambula kinyamkela. 34 Mwana wa munhu keza, nayo koja na kung’wa, na mweye molonga, ‘Mloleni ino! Mmelo na mng’waji upele, mbwiga wa wagoga kodi na waja weli na malozo! 35 Nzewele ya Mulungu zooneka kweli kwa waja wose wozitogola."

Muke yeli na malozo kombaka Yesu mavuta

36 Zua dimwe Mfalisayo kamgoneka Yesu waje hamwe ndia ya ichilo, nayo Yesu kaita kuikae yake kakala hasi yaje. 37 Na muikae ija hakala na muke imwe yakalile na malozo. Viyahulike Yesu koja muikae ya Falisayo keza na nhyupa yake imemile mavuta gonung’ila