Marcos 3

Yesu komhonya Munhu mdizua da Kuhumula

1 Zua dimwenga da Kuhumula Yesu kengila mgati ya ng’anda ya kuiting’hanila da Wayahudi na umo kukala munhu imwe yeli na mkono uholole. 2 Mafalisayo wamwenga wakalile umo wakala womlola wamone kama kodaha kumhonya mdizua da kuhumula, ili wadahe kumwing’ha mbuli yakumgala mchitala. 3 Yesu kamlongela ija yeli na mkono uholole, "Izo hano hagati." 4 Amala Yesu kawauza, "Ivo, dilihi dilondeka mdizua da kuhumula, kusang’hana dinogile hebu dihile, kuhonya ugima hebu kukoma?" Mbali wao wanyamala hupii. 5 Yesu kawalola wose kwa ludoko, kagwa giogio ng’hani kwambuli ya udala wao wa kutogola. Baho kamlongela ija munhu yeli na mkono uholole, "Golosa mkono wako!" Mtamu ija kaugolosa, nawo mkono uhona kabisa!