ପାର୍‍ତୁମ୍‍ ବଇ 11

5 ତାନିୱେନ୍‌କା ଲୋକୁ ଏମେ ଗାଡ଼୍‌ ମାରି ନିର୍‌ଇ ମେଡ଼୍‌ ତିଆର୍‌ କିଜି ମାର୍ହାର୍‌, ଆକା ସୁଡ଼ୁଦେଙ୍ଗ୍‌ ମାପୁରୁ ରେସି ୱାତାନ୍ । 6 ମାରି ସଦାପ୍ରବୁ ଇର୍ହାନ୍‌, "ସୁଡ଼ୁଦୁ, ଇୟା ଲୋକୁ ୱିଜେରେ ଏକ୍‌ଜୁଟ୍‌ ମାରି ଇୟାୱେରି ବାସାନେ ଉନ୍‌ଡ୍ରେ, ମାରି ଇଲେଇ ଇୟାକାର୍‌ ଇୟା ପାଣିଦୁ ତିଆର୍ ଆଜିନାର୍‌; ଇୟାୱେନ୍‌କା ଏମେ ଏମେକା କିଦେଙ୍ଗ୍ ବଦା କିନାର୍, ଆବେଟ୍‍ତାନ୍ ପାଣି କିଦେଙ୍ଗ୍‌ ଡ଼ିସ୍‌ଏର୍‌ । 7 ଇୟାଉଣ୍ତିଙ୍ଗ୍ ୱାର୍ ଏଣ୍ତେସ୍ ନିଜେ ନିଜେଦି ବାସା ବୁଜାଦେଙ୍ଗ୍ ଆଟ୍‍ଏର୍‍, ଇୟାଉଣ୍ତିଙ୍ଗ୍ ରାଦୁ, ମାଡୁ ରେସି ସଲସି ଆୟା ଜାଗାଦୁ ୱାରି ବାସାଦି ମାଟାଦିଙ୍ଗ୍‌ ଆଇ ଆଇକା କିନାଟ୍ ।" 8 ଇୟାୱାଜା ସଦାପ୍ରବୁ ଆୟା ଜାଗାଦାନ୍‌ ୱାରିଙ୍ଗ୍‌ ଦୁନିଆଦି ୱିଜୁ ତୋରିନ୍‌ ଇନିଙ୍ଗାଁ ଆନିଙ୍ଗାଁ କିତାନ୍; ଆବେଟ୍ ୱାର୍ ଗାଡ଼୍‌ ତିଆର୍ କିଦେଙ୍ଗ୍ ତେବାକିତାର୍ । 9 ଇୟାଉଣ୍ତିଙ୍ଗ୍‌ ଆୟା ଗାଡ଼୍‌ତି ଦରୁ ବାବିଲ୍ ଆତାତ୍; ଏଣ୍ତେସ୍‌କି ସଦାପ୍ରବୁ ଆୟା ଜାଗାଦୁ ସାରା ଦୁନିଆଦି ବାସା ଆଇ ଆଇକା କିତାନ୍, ମାରି, ଆୟା ଜାଗାଦାନ୍ ୱାରିଙ୍ଗ୍ ୱିଜୁ ଦୁନିଆଦୁ ଇନିଙ୍ଗାଁ ଆନିଙ୍ଗାଁ କିତାନ୍‌ ।