23 ତାନିୱେନେକା ଅବ୍ରାହାମ ଲାକୁତୁ ସଲିସ୍ ଇର୍ହାନ୍, "ନିନୁ ନୋ ତାଗ୍ଇ ଲୋକା ୱାଲେ ଦାର୍ମୁଦି ଲୋକାୱାଲେ ନାଷ୍ଟୁ କିନି ନୋ ? 24 ଆର୍ତିଙ୍ଗ୍ ଗାଡ଼୍ ଲୋଇ ପସାସ୍ ଲୋକୁ ଦାର୍ମୁଦିକାର୍ ମାର୍ହିଙ୍ଗ୍; ଆବେଣି ପସାସ୍ ଲୋକୁ ଦାର୍ମୁଦିୱାଲେ ନ ଆୟା ଜାଗା ରକିୟା କିଏଜି ନାଷ୍ଟୁ କିନି ନୋ ? 25 ତାଗ୍ଇ ଲୋକା ୱାଲେ ଦାର୍ମୁ ଲୋକ୍ତିଙ୍ଗ୍ ନାଷ୍ଟୁ କିନି ପାଣି ନିଜେଦି ମାଡ଼ାନ୍କୁ ଆକ ମାନିତ୍ ମାରି ଦାର୍ମୁ ଲୋକ୍ତିଙ୍ଗ୍ ଦୁଷ୍ଟଦି ସାମାନ୍ କିନି ନିଜେଦି ମାଡ଼ାନ୍କୁ ଆକ ମାନିତ୍ । ସାରା ଦୁନିଆଦି ବିସାର୍ କିନିକାନ୍ ନ୍ୟାୟ୍ ବିସାର୍ କିଏରେନି ?"
26 ଆବେଟ୍କୁ ପ୍ରବୁ ଇର୍ହାନ୍, "ମାପୁ ଏସାଙ୍ଗ୍ ସଦୋମ ଗାଡ଼ଦୁ ପସାସ୍ ଲୋକୁ ଦାର୍ମୁତିକାର୍ ସୁଡ଼ୁତିଙ୍ଗା, ଆର୍ତିଙ୍ଗ୍ ୱାରି ଉଣ୍ତିଙ୍ଗ୍ ୱିଜୁ ଜାଗା ରକିୟା ପୋଇନାତ୍ ।"
32 ଅବ୍ରାହାମ ଇର୍ହାନ୍, "ପ୍ରବୁ ରିସା ଆଏତିଙ୍ଗ୍ ମାରି ଉଣ୍ତ୍ରି ଦେବା ଇନା; ଆର୍ତିଙ୍ଗ୍, ଆବେନୁ ଦାସ୍ ଲୋକୁ ପୋଇତିଙ୍ଗ୍ ।" ପ୍ରବୁ ଇର୍ହାନ୍, "ଆୟା ଦାସ୍ ଲୋକା ଉଣ୍ତିଙ୍ଗ୍ ମାପୁ ଆକା ନାଷ୍ଟୁ କିଏପ୍ ।" 33 ନାସ୍ତିୱାଲେ ପ୍ରବୁ ଅବ୍ରାହାମ ୱାଲେ ଇୟାୱାଜା ୱାର୍ଗିଜି ସାନିକା ୱିସ୍ସି ସର୍ହାନ୍, ମାରି ଅବ୍ରାହାମ ବା ନିଜେଦି ବାଡିଦୁ ଡ଼େସି ସର୍ହାନ୍ ।