ଇସ୍ହାକ୍ ଗରାରଦୁ ବାସା କିତାନ୍
1 ଆଗ୍ଡ଼ି ଏଣ୍ତେସ୍ ଅବ୍ରହାମଦି ବେଡ଼ାଦୁ ଉଣିତିନିକା ପୁଟ୍ଏତାମାର୍ହାତ୍, ଆୟା ଦେସ୍ତୁ ମାରି ଉଣ୍ତ୍ରି ଦେବା ଆୟା ଉଣିତିନିକା ପୁଟ୍ଏତାତ୍ ଆକା, ଇସ୍ହାକ୍ ଗରାରଦୁ ପଲେସ୍ଟିୟରି ରାଜା ଅବିମେଲକ ଲାକୁତୁ ସର୍ହାନ୍ । 2 ନାସ୍ତିୱାଲେ ମାପୁରୁ ୱାନିଙ୍ଗ୍ ଦର୍ସନ ସିଜି ଇର୍ହାନ୍, "ନିନୁ ମିସର ଦେସ୍ଦୁ ସଲ୍ମା; ମାପୁ ନିଙ୍ଗିଁ ଏମେ ଦେସ୍ଦୁ ଇନାପ୍, ଆବେନୁ ବାସା କିଆ । 3 ନିନୁ ଇୟା ଦେସ୍ଦୁ ବାସା କିଆ, ଆବେଟ୍ ମାପୁ ମି ସାକା ଆଜି ନିଙ୍ଗିଁ ଆର୍ସିବାଦ୍ କିନାପ୍, ମାରି ନିଙ୍ଗିଁ ମାରି କୁଟୁମ୍ଦିଙ୍ଗ୍ ଇୟା ୱିଜୁ ଦେସ୍ ସିନାପ୍ ମାରି ମି ବୁବା ଅବ୍ରହାମ ଲାକୁତୁ ନିଜେଦି ଅଦିକାର୍ତି ପାର୍ମାଣ୍ ନିୟମ୍ ପୁରା କିନାପ୍ । 4 ମାପୁ ବାଦଡ଼ଦି ସୁକେଙ୍ଗ୍ ୱାଜା ନି କୁଟୁମ୍ ପିରିସ୍ କିଜି ୱାରିଙ୍ଗ୍ ଇୟା ୱିଜୁ ଦେସ୍ ସିନାପ୍ ମାରି ନି କୁଟୁମ୍ତି ମାଡ଼ାନ୍ ଦୁନିଆଦି ୱିଜୁଜାତି ଆର୍ସିବାଦ୍ ପୋଇନାର୍ । 5 ନାନ୍ ମିଙ୍ଗିଁ ଆର୍ସିବାଦ୍ କିନା, ଇରିଙ୍ଗ୍ ଅବ୍ରହାମ ମା ମାଟା ମାନାଜି ସିତିମାନି ବିସୟ୍ ମା ମାଟା ନି ନିୟମ୍ ମାନାତାମାନାନ୍ ।"
6 ଆବେଟ୍ ଇସ୍ହାକ୍ ଗରାରଦୁ ବାସା କିତାନ୍ । 7 ଆବେଟ୍ ଆୟା ଜାଗାଦି ଲୋକୁ ୱାନି ଆଡ଼ି ବିସୟ୍ତାନ୍ ୱେନ୍ବାତାର୍, ୱାନ୍ ଇର୍ହାନ୍, "ୱାଦ୍ ନା ତାଙ୍ଗିଁ," ଏଣ୍ତେସ୍ ଆୟା ବାଡିଦି ଲୋକୁ ରିବିକା ଉଣ୍ତିଙ୍ଗ୍ ନାଙ୍ଗିଁ ବା ସାପିସ୍ କିନାର୍, ଇକା ଅଡ଼୍ବିଜି ୱାନ୍ ତାନିଙ୍ଗ୍ ନିଜେଦି ଆଡ଼ି ଇଡ୍ରେଙ୍ଗ୍ ତିଲାତାନ୍; ଏଣ୍ତେସ୍ ରିବିକା ନାଣ୍ତ ସୁନ୍ଦୁରି ମାର୍ହାତ୍ । 8 ମାରି ଆୟା ଜାଗାଦୁ ବେସିଦିନ୍ ବାସା କିତି ୱେନେକା ଉଣ୍ତ୍ରି ବେଡ଼ାଦୁ ପଲେସ୍ଟିୟ ରାଜା ଅବିମେଲକ୍ ଜରକା ସାରିଦାନ୍ ସୁଡ଼ୁତାନ୍ ଇସ୍ହାକତିଙ୍ଗ୍ ନିଜେଦି ଆଡ଼ି ରିବିକା ୱାଲେ ଗୁରିତିମାରିକା ସୁଡ଼ୁତାନ୍ ।
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)