3 ଏସ ଦିନ୍ ୱେନ୍କା କୟିନ ସଦାପ୍ରବୁଦି ଉଦେସ୍ତାନ୍ ବୁମିଦାନ୍ ଆସ୍ତି ପଲ୍ ତାସି ସିତାନ୍ । 4 ମାରି ହେବଲ ବା ନିଜେଦି ମାନ୍ଦାଦି ପ୍ରାତୁମ୍ ଜନମ୍ଆତି ଏସ ଜାତୁ ମାରି ୱାନିକା କଣ୍ୱେସ୍ ସିତାନ୍ । ସଦାପ୍ରବୁ ହେବଲତିଙ୍ଗ୍ ମାରି ୱାନି ପୁଜାଦିଙ୍ଗ୍ ମାନାତାନ୍ । 5 ମାତର୍ କୟିନଙ୍ଗ୍ ମାରି ୱାନି ପୁଜାଦିଙ୍ଗ୍ ୱାନ୍ ମାନାଏତାନ୍ । ଇୟାଉଣ୍ତିଙ୍ଗ୍ କୟିନ ନାଣ୍ତ ରିସା ଆଜି ଦୁଃକ୍ କିତାନ୍ । 6 ଆବେଟ୍କୁ ସଦାପ୍ରବୁ କୟିନଙ୍ଗ୍ ଇର୍ହାନ୍, "ନିନୁ ଏନ୍ଦା ରିସା ଆଜିନି ? ମାରି ଏନ୍ଦା ଦୁଃକ୍ ଆଜିନି ? 7 ନେଗିପାଣି କିତିଙ୍ଗ୍, ନିନୁ ମୁସ୍କୁ ମକମ୍ ଆଏତ୍ ? ସତ୍ପାଣି କିଏତିଙ୍ଗ୍, ପାପ୍ ସେର୍ଲାଦୁ କାପ୍କିନାମାନାତ୍; ୱାନ୍ ମି ଉଣ୍ତିଙ୍ଗ୍ ସାସନ୍ କିଦେଙ୍ଗ୍ ବଦା କିନାତ୍, ମାତର୍ ନିନୁ ତାନି ମୁସୁକୁ ଜିଣାନିକା ମାନାତ୍ ।"
Publicidade