ଜୋସେପ୍ ତୋଡ଼ାନ୍କାଙ୍ଗ୍ ନିଜେଦି ବିସୟ୍ ୱେର୍ତାନ୍
1 ଆବେଟ୍ ଜୋସେପ୍ ନିଜେଦି ଲାକୁତୁ ନିରିଇମାନିକା ଲୋକା ଆଗିଡ଼ି ନିଜେଦିଙ୍ଗ୍ ସାସ୍ କିଦେଙ୍ଗ୍ ଆଟ୍ଏଜି ପେରିବଲୁଦାନ୍ ଇର୍ହାନ୍, ମା ଆଗିଡ଼ିରାନ୍ ୱିଜୁ ଲୋକାଙ୍ଗ୍ ସପ୍ତୁ । ଆବେଟ୍ ଏନ୍ ୱାନି ଲାକୁତୁ ମାନ୍ଏଜି, ଜୋସେପ୍ ଦାଦାରି ଆଗିଡ଼ି ନିଜେଦି ବିସୟ୍ ୱେର୍ତେଙ୍ଗ୍ ଆସ୍ତାନ୍ । 4 ତାନିୱେନେକା ଜୋସେପ ନିଜେଦି ଦାଦାରିଙ୍ଗ୍ ଇର୍ହାନ୍, "ମାଡ଼ିସ୍ କିଜିନା, ନା ଲାକୁତୁ ରାଦୁ," ଆବେଟ୍ ୱାର୍ ଲାକୁତୁ ସର୍ହାର୍, ୱାନ୍ ଇର୍ହାନ୍, ନାନୁ ମି ତୋଡ଼ାନ୍ ଜୋସେପ୍, ଏମେୱାନିଙ୍ଗ୍ ମିରୁ ମିସର୍ତି ଲୋକାଙ୍ଗ୍ ପୋର୍ତି ମାରିଦେର୍ । 5 ମାତର୍ ମିରୁ ନାଙ୍ଗିଁ ଇବେନୁ ୱାନି ଉଣ୍ତିଙ୍ଗ୍ ପୋର୍ତାପ୍ ଇଜି ଇଲେଇ ଦୁଃକ୍ ମାରି ନିଜେ ନିଜେ ଉଣ୍ତିଙ୍ଗ୍ ରିସା ଆମାଟ୍; ଇରିଙ୍ଗ୍ ମାପୁରୁ ଜିବନ୍ ଜିପିସ୍କିନି ଉଣ୍ତିଙ୍ଗ୍ ମି ଆଗିଡ଼ି ନାଙ୍ଗିଁ ପୋକ୍ତାନ୍ ।
15 ମାରି, ଜୋସେପ୍ ଆଇ ଦାଦାରିଙ୍ଗ୍ ନଣ୍ତିତାନ୍ ମାରି ୱାରିଙ୍ଗ୍ ଆସ୍ସି ଆଡ଼୍ବାତାନ୍ । ଆବେଟ୍ତାନ୍ ୱାନି ଦାଦାର୍ ୱାନି ୱାଲେ ପୋମ୍ଦେଙ୍ଗ୍ ଆସ୍ତାର୍ ।